- O'yin haqidagi fikrlaringiz bilan bo'lishsangiz?
- "Paxtakor" bugun ancha yaxshi o'yin namoyish etdi. Biz dastlabki uch ochkoni qo'lga kiritdik. Raqib ko'p vaziyatlar ega bo'ldi, lekin ularning barchasini ko'kka sovurdi.
- "Paxtakor"dan bunday jiddiy qarshilik kutganmidingiz? Raqib birinchi bo'limda juda katta ustunlikka ega bo'ldi.
- "Paxtakor" qaytgan to'plarning barchasiga ega chiqdi. Ikkinchi qavatda ham raqib ustunlik qildi. Biz yaxshi himoyalana oldik. Safarda bunday jamoaga qarshi o'ynash oson emas. Ustiga-ustak maydon holati va ob-havo ham bizga noqulayliklar tug'dirdi. Tanaffusdan so'ng ko'p narsa o'zgardi.
- 10 kundan so'ng O'zbekiston va Qatar terma jamoalari to'qnash kelishadi. Qatar jamoasining navbatdagi uchrashuvlari haqida fikr bildirib o'tsangiz?
- Biz uchun o'ta muhim bo'lgan ikkita bahs bo'ladi. Jahon chempionatiga chiqish imkoniyatlarimiz hali saqlanib qolgan. Bizda boshqa yo'l yo'q, ikkala raqibni ham mag'lub etishimiz kerak bo'ladi.
- O'zbek futboli muxlislari milliy terma jamoa Qatarni mag'lub etishi kerakligini ko'p marotaba takidlashmoqda. Agar O'zbekiston Dohadan g'alaba bilan qaytsa, mundialga to'g'ridan-to'g'ri chiqish imkoniyatlari keskin oshadi. SHuningdek, Osiyo Kubogidagi alamli mag'lubiyat hech kimning yodidan ko'tarilgani yo'q. Qatar terma jamoasi O'zbekistonga mag'lub bo'lmasligi qanchalik muhimi?
- O'yin ahamiyatini ikki mamlakat ham tushunib turibdi. Biz uchun finalga teng bahs. O'zbekiston bizdan alam olmoqchi ekanligini bilamiz, lekin uch ochko biz uchun ham suv va havodek zarur. Qatarliklar uchun JCH yo'lidagi eng muhim bahs shu bo'ladi.
Eslatib o'tamiz, O'zbekiston milliy terma jamoasi JCH-2026 3-saralash bosqichi 5-tur doirasida Qatarga qarshi o'yin o'tkazadi. Bahs 14 noyabr kuni Dohadagi "Jassim Bin Hamad" stadionida bo'lib o'tadi.
Abdulvosit Bektemirov suhbatlashdi
Bosh sahifaga
121
