Matnli translyaciya davomida uchrashuv rasmiylariga nisbatan ochiqdan-ochiq nohaq fikrlar bildirildi. "Superliga va Proliga reglamenti"da hakamlikka nisbatan etiroz bildirish tartibi uchun alohida bob ajratilgan bo'lib, unda bu ish qanday amalga oshirilishi batafsil tushuntirilgan. SHunga qaramay, "Lokomotiv" klubi hakamlik yuzasidan hech qanday rasmiy shikoyat kiritmagan. Bundan ko'rinadiki, klub matbuot xizmati hamda klub rahbariyatining o'yin yuzasidan poziciyasi bir-biridan farq qiladi.
Superliga bellashuvi jonli teletranslyaciya qilinadi va uni takroriy lavhalar yordamida kuzatish imkoniyati mavjud. SHuningdek, mazkur musobaqaning har bir uchrashuvida VAR tizimidan foydalanib kelinmoqda. "Dinamo" – "Lokomotiv" uchrashuvida VAR uzilishlarsiz faoliyat olib borgan bo'lib, undagi barcha detallar nazorat ostida bo'lgan.
"Liga tomonidan o'tkaziladigan tadbirlar va musobaqalarda ishlovchi OAV vakillari uchun media yo'riqnoma"ning 2.2-bandida klub matbuot kotibi rasmiy sahifalarda elon qilingan materiallar uchun javobgar ekanligi belgilangan. Liga Lokomotiv matbuot xizmatining xatti-harakatlari yuqorida ko'rsatilgan har ikki reglamentga zid ekanligidan kelib chiqib, klubga nisbatan jarima intizom chorasi ko'rilishini malum qiladi. Kelgusida bu kabi holat takrorlansa, matbuot kotibiga berilgan Liga licenziyasi qaytarib olinadi hamda jamoa uchun boshqa kotibni Liga ro'yxatidan o'tkazish talab etiladi.
"Lokomotiv"ning goli qoida buzilgan holda urilgan — O'zFHM
Bosh sahifaga
1039