LaLiga. "Barselona" "Osasuna"ni yirik hisobda taslim etdi

70. GOOOL! 4:0! Usmon Dembele Trinkauning uzatmasidan so'ng to'pni uzoq burchakka yo'lladi va hisobni 4:0 ko'rinishiga keltirdi. VAR ishga kirishdi va gol hisobga olinmadi. Trinkau ofsaydda bo'lgan ekan.

68. Zaxiradan o'yinga qo'shilgan Roberto Torres "Barselona" darvozasini ishg'ol qilishga yaqin keldi, ammo birinchi zarbadan so'ng to'p to'singa tegdi, ikkinchisidan keyin esa Ter SHtegen uni egallab oldi.

65. "Barselona" futbolchisi jarohat olgan ko'rinadi. Langle tibbiy yordam ko'rsatilmoqda. Himoyachi uchun uchrashuv yakunlangan ko'rinadi, u o'rnidan turmayapti.

57. GOOOOL! 3:0! "Barselona"ning ajoyib hujumini Grizmann yakunlashi mumkin edi, ammo u tshhpni qizg'onmadi va o'zidan qulayroq vaziyatda turgan Koutinoga pas berdi. Braziliyalik esa bo'sh darvozani ishg'ol qildi.

51. ZARBAAA! De Yong qanotdan uzatilgan to'pni darvozaga burishga urindi, ammo niderlandiyalik bu vazifani uddalay olmadi.

50. Ante Budimir omadini sinab ko'rdi va uzoq masofadan zarba berdi. Ter SHtegen to'pni muammosiz egallab oldi.

46. Ikkinchi bo'lim boshlandi.

TANAFFUS!

45+2. "Osasnua" futbolchisi markazdan "Barselona" darvozasini ishg'ol qilishga urinib, to'pga zarba berdi, ammo to'p darvoza yonidan o'tib ketdi.

42. GOOOOOOL! SUPERGOL! Grizmanning ajoyib zarbasidan so'ng to'p darvozaga "mixlanib" qoldi. Xordi Alba to'pni jarima maydonchasiga uzatganidan so'ng, "Osasuna" futbolchisi to'pni boshi bilan qaytardi, Grizmann esa havodagi to'pni to'xtatib o'tirmay, unga zarba berdi. 2:0.

40. GOOOL! "Osasuna" hisobni tenglashtirdi! YO'Q, yon hakam bayroqchasini ko'tardi. Takroriy lavhada ham ofsayd borligi ko'rindi. Biroq Ter SHtegen golgacha ajoyib seyvlarni amalga oshirdi.

29. GOOOL! Darvoza ishg'ol qilindi, Kataloniya klubi golni nishonlamoqda, ammo to'p palapartishlik bilan darvozaga kirib ketdi. To'pga so'nggi bo'lib Breytueyt tekkan ekan va gol uning hisobiga yoziladi. Leo darvozaga kirib ketayotgan to'pga Maradona uslubida tegishga urindi, ammo fikridan qaytdi.

28. O'yin qiziq o'tmoqda deyish qiyin, hozirgina Koutino jamoadoshining erlatib bergan pasini golga aylantirishga urindi, ammo to'p darvoza ustidan o'tib ketdi.

21. Aytgancha, "Barselona" bugun o'zining 121 yilligini nishonlamoqda. 1899 yilda asos solingan klub bugun dunyo darajasidagi grandga aylangan, ammo jamoaning so'nggi yillardagi natijalari pasayib ketmoqda.

18. "Osasuna" ajoyib hujum amalga oshirdi va u zarba bilan yakun topdi. Afsuski to'p darvoza ustidan o'tib ketdi.

15. Ayni damda LaLiga turnir jadvaliga etibor bersak, ushbu bahs ishtirokchilari qo'shni hisoblanishadi. "Barselona" 14, "Osasuna" esa 15-o'rinni band qilib turishibdi.

11. ZARBAAA! Koutinoning zarbasi aniq bo'ldi, ammo raqib jamoa himoyachilari to'pni chiziq ustidan qaytarib qolishdi.

1. Uchrashuv boshlandi.

LA LIGA TURNIR JADVALI VA TO'PURARLAR RO'YXATI BILAN TANISHING