Championat.asia sayti talqiniga ko'ra 24-turning eng yaxshi darvozaboni – Hamidullo Abdunabiev ("Bunyodkor")
"Bunyodkor" bu tur o'z maydonida "Metallurg" bilan to'qnash keldi va durang o'ynadi - 1:1. O'yin davomida mezbonlar posboni Hamidullo Abdunabiev bitta gol o'tkazganiga qaramay qolgan vaziyatlarda jamoasini bir necha bor qutqardi va jamoasini mag'lubiyatdan qutqarib qoldi. SHu tariqa Abdunabiev turning eng yaxshi posboni sifatida etirof etildi.
Championat.asia sayti talqiniga ko'ra 24-turning eng yaxshi murabbiyi – Sergey Lushchan ("Navbahor")
"Navbahor" bu turni Namanganda "Paxtakor"ga qarshi o'tkazdi va yirik g'alabaga erishdi - 5:2. Uchrashuv davomida maydon egalari chiroyli va hujumkor o'yin namoyish etishdi. "Lochinlar" o'z tarixida ilk bor "Paxtakor" darvozasiga bitta o'yinda 5 ta gol urishdi. "SHerlar" 1994 yildan buyon O'zbekiston chempionatida 5 ta gol o'tkazmagan edi. SHu tariqa Sergey Lushchan turning eng yaxshi murabbiyi deb topildi.
Championat.asia sayti talqiniga ko'ra 24-turning eng yaxshi futbolchisi – Jamshid Iskanderov ("Navbahor")
O'zbekiston milliy terma jamoasi yarim himoyachisi Jamshid Iskanderov "Paxtakor" bilan bahsda raqib darvozasiga ikkita gol urishga erishdi. Umuman yarim himoyachi shu kuni ajoyib o'yin namoyish etdi va haqiqiy etakchiga aylandi. SHunday qilib Jamshid Iskanderov tur futbolchisi deb topildi!
Championat.asia sayti talqiniga ko'ra 24-turning eng chiroyli goli muallifi – Xislat Halilov ("Dinamo")
"Dinamo" yarim himoyachisi Xislat Halilov chiroyli gol urishni kanda qilmayapti. 22-turda "Nasaf"ga urgan golini etirof qilgandi, 24-turda Halilov "Lokomotiv"ga qarshi bahsda supergol muallifiga aylandi. Xislat Halilov tomonidan urilgan gol championat.asia sayti talqiniga ko'ra turning eng chiroyli goli deb topildi.
Bosh sahifaga
296