Eshitdik-da! "Neftchi" Alijonovga qiziqish bildiryapti, Boltaboev kelishib bo'ldi
Saytimiz xodimlari futbolchining o'zi bilan bog'lanishdi va bu jarayon yuzasidan uning fikrlari bilan qiziqishdi.
Eslatib o'tamiz, Boltaboevning Namangan klubi bilan amaldagi shartnomasi shu yilning 31 dekabriga qadar kuchda bo'ladi.
- "Neftchi" jamoasi bilan og'zaki kelishuvga erishganingiz qanchalik rost?
- Faqatgina "Neftchi"dan emas, yana bir nechta klublardan takliflar bor. Lekin, hali hech kimning taklifini qabul qilmadim. CHunki, birinchi navbatda "Navbahor"ni kutyapman. Klubni keyingi rejalari qanday bo'lishiga qarab qaror qabul qilaman. Bu erda 2-3 yil o'ynadim va o'zim ham Namanganda biror sovrin yutishni xohlardim, bu kubokdagi g'oliblik bo'ladimi yoki chempionlik, farqi yo'q. Bu erdan biror sovrin bilan ketishni xohlardim. SHu bois jamoaning kelajakdagi rejalaridan kelib chiqib takliflarni ko'rib chiqmoqchiman.
- Takliflar orasida "Lokomotiv"dan ham chorlov bormi? Har holda Samvel Babayan sobiq ustozingiz.
- Ha, "Lokomotiv"dan ham taklif bor.
- U taklifni rad etdingizmi?
- Yo'q, hali hech bir taklifni rad ham etmadim, qabul ham qilmadim.
- Xorijga ketish varianti ham bormi sizda?
- Vakillarimga xorijdan ham variantlar qidirib ko'rishni aytganman, lekin yakunda nima bo'lishini vaqt ko'rsatadi.
Malumot uchun, Boltaboev 2022 yilning iyun oyidan beri "Navbahor" sharafini himoya qilib kelmoqda. SHu kungacha u "lochinlar" safida 8ta gol urib, 16ta assist qayd etgan.
Bosh sahifaga
147