Kosovo terma jamoasi futbolchilari Ruminiyaga qarshi Millatlar ligasi bahsi vaqtida maydonni tark etgandi. Voqea asosiy vaqtga qo'shib berilgan daqiqalar paytida sodir bo'lgandi. Kosovo va Ruminiya terma jamoasi futbolchilari o'rtasidagi janjaldan so'ng muxlislar "Serbiya, Serbiya!" deb baqirib, maydonga buyumlar ota boshlashgandi. Kosovo futbolchilari ruminiyalik muxlislarning o'zini tutishidan norozi ekanliklarini aytib, maydonni tark etishgandi.
UEFA bu ish uchun Kosovo terma jamoasi 0:3 hisobidagi texnik mag'lubiyat yozishga qaror qildi va jamoani 6 ming evro jarimaga tortdi. Ruminiya futbol federaciyasi esa muxlislarning xatti-harakatlari sabab 128 ming evro jarimaga tortildi. Ruminiya muxlislari stadionda tahqirlovchi qo'shiqlar kuylash, maydonga buyumlar uloqtirish, pirotexnika vositalaridan foydalanish va yana bir qator huquqbuzarliklarda ayblandi.
Bundan tashqari, Ruminiya terma jamoasi keyingi uchrashuvini muxlislarsiz o'tkazadi.
Muxlislar sabab Kosovo terma jamoasi o'yinni tugatmay, maydonni tark etdi
Kosovo futbolchilari Ruminiya bilan o'yindan so'ng kiyinish xonasiga bir uyum chiqindi tashlab ketishdi
Bosh sahifaga
207
