"Mavsum oxiriga kelib aytishim mumkinki, rejalarimiz sal boshqacha edi. SHunday bo'lsa-da, yigitlarga qilingan mehnat uchun rahmat aytmoqchiman. Bizga ozgina tajriba etishmayapti, lekin bu bosqichma-bosqich o'nglanib boradi. Sovuq havo bo'lishiga qaramay, bizni qo'llab-quvvatlagan muxlislarga rahmat aytmoqchiman. Bizga ishonch bildirayotgan rahbariyatga ham minnatdorlik bildiraman", – dedi Ejov.
- Eshitishimizcha, Hakim Fuzaylov bilan mavsum oxiriga qadar, yani 6 oylik shartnoma tuzilgan ekan. Umuman olganda, murabbiylash shtabi taqdiri qanday kechadi?
- Bilasizmi, bu menga bog'liq emas. Barchasini rahbariyat hal qiladi. Bizga ishonishsa, ishlashda davom etamiz.
- Hujumchilarning o'yinidan qanchalik ko'nglingiz to'ldi?
- 2-3 ta vaziyatni yuz foiz golga aylantirishimiz kerak edi. Ammo "Mashal" haqida unutmasligimiz kerak. Ular mavsumni juda yorqin o'tkazdi va yaxshi jamoa ekanligini isbotladi. Hujumchimizda qulay imkoniyatlar bo'ldi, ammo ularni ayblamoqchi emasman. Hujumchimiz penaltidan ham gol urolmadi, ammo dunyo yulduzlari bilan ham bunaqasi uchrab turadi, uni ayblay olmaymiz. Jamoa uni qo'llab-quvvatladi. Umid qilamizki, keyingi uchrashuvlarda o'zini ko'rsatadi.
- "Xorazm" so'nggi turda "Aral" mehmoni bo'ladi. Jamoa mavsumni yuqori notada tugatish uchun bu bahsga astoydil tayyorlanadimi?
- Butun mavsum davomida oxirigacha kurashish uchun maydonga tushdik. Ko'plab muammolarga uchradik. Tarkibda yo'qotishlar va diskvalifikaciyaga uchraganlar bor edi. Albatta, "Aral" bilan uchrashuvda g'alaba uchun o'ynaymiz.
Bosh sahifaga
136