Superliga. OKMK VAR tomonidan 13 daqiqa tekshirilgan hamda yaponiyalik futbolchi tomonidan urilgan gollar evaziga 11 yildan so'ng safarda "Paxtakor"ni mag'lub etdi

O'yin yakunlandi.

90. Ikkinchi bo'limga 5 daqiqa qo'shib berildi.

89. OKMKda ikki o'zgarish sodir etildi.

85. GOL! Xolmurodov chap qanotdan yorib kirib, markazga uzatma amalga oshirdi, u erga etib kelgan Sentoku deyarli 11 metrli nuqtadan "Paxtakor" darvozasini aniq nishonga oldi!

81. "Paxtakor" futbolchilarining burchak uzatmasini Ilyosov urib yubordi.

77. Xavfli vaziyat! Sanchesning jarimadan yo'llagan zarbasi rekoshet orqali Nazarov qo'riqlayotgan darvozaning yonginasidan o'tib ketdi. Zarba aniq borganda, "Paxtakor" darvozaboni ulgurmasdi.

76. "Paxtakor" yana ikki o'zgarishaga qo'l urdi. 

73. Sentoku Azmiddinovni ochiqchasiga to'xtatib qolgani uchun ogohlantirildi.

72. OKMKda ikki o'zgarish: Xolmurodov va Sanches o'yinga qo'shildi, Daci va G'iyosov zaxiraga olindi.

70. Bo'riev to'p uchun kurashda Sarimsoqovni yiqitgani uchun sariq kartochka bilan jazolandi.

65. Yaqinda maydonga tushgan Sarimsoqov raqibning yaqqol hujumini to'xtatib qolgani uchun ogohlantirildi.

63. "Paxtakor" tarkibida birato'la ikki o'zgarish amalga oshirildi. O'rinboev va Xoldorxonov maydonga tushdi, Hoshimov va Merk zaxiraga olindi.

61. Xavfli vaziyat! OKMK burchak uzatmasi Dacining zarbasi bilan yakunlandi, ammo Nazarov jamoasini muqarrar goldan saqlab qoldi.

60. OKMK tarkibida ilk o'zgarish: Abror Sarimsoqov Mirjamol Qosimovni almashtirdi. 

58. Xavfli vaziyat! Ahmadaliev raqib jarima maydoniga yaqin masofada bir necha "Paxtakor" futbolchisini ortda qoldirgan holda chap oyoqda kuchli zarba yo'lladi, biroq u tepgan to'p darvoza yuqorisidan o'tib ketdi.

55. Qosimov Mahammadjonovga nisbatan qo'pol o'yin namoyish etgani uchun ogohlantirildi. Bu uchrashuvdagi ilk kartochka hisoblanadi.

53. Xavfli vaziyat! "Paxtakor" futbolchilari tomonidan yo'llangan ketma-ket ikki zarba raqib darvozasiga qadar etib bormadi. Aniqrog'i, OKMK himoyachilari jonbozlik ko'rsatdi. 

52. Axrorov OKMK darvozaboni bilan yakkama-yakka chiqishga uringan Hoshimovni qoida buzmagan holda to'xtatib qoldi.

50. Abdurazzoqov hujumda fol ishlatdi.

48. Xavfli vaziyat! OKMK jarima maydonida Jo'raqo'ziev raqib darvozaboni va himoyachisi bilan to'qnashib ketdi, hakam o'yinni davom ettirish lozimligini bildirdi.

47. Hoshimov raqib posboni bilan birga-bir vaziyatga chiqib borishga urinib, raqib jarima maydonida yiqildi, biroq hakam o'yindan tashqari holatni qayd etdi.

46. Ikkinchi bo'lim boshlandi.

Mazkur uchrashuvni bevosita stadiondan tomosha qilayotgan "Paxtakor" muxlisi.

60 daqiqa davom etgan birinchi bo'lim yakunlandi.

45+14. "Paxtakor"ning navbatdagi hujumi Jo'raqo'zievning kuchli bo'lmagan zarbasi bilan yakunlandi.

45+11. Abdurazzoqovga nisbatan qoidabuzarlik ishlatildi. OKMKda standart vaziyat yuzaga keldi.

45+10. Zarba! Rustamovning olis masofadan yo'llagan zarbasini Nazarov egallab oldi.

45+7. "Paxtakor"ning hujumi oxirigacha etmay qoldi, Ilyosov chaqqonlik bilan harakat qilib, to'pni egallab oldi.

45. Ikkinchi bo'limga 14 daqiqa qo'shib berildi.

VAR OKMK raqib darvozasini ishg'ol qilgan vaziyatni ko'rib chiqishga 13 daqiqa sarfladi va golni inobatga oldi.

VAR vaziyatni ko'rib chiqmoqda.

32. GOL! Abdurazzoqov hisobni ochdi! OKMK hujumchisi Qosimov jarima uzatmasidan so'ng G'iyosovning bosh bilan pasini "Paxtakor" darvozasiga joylab qo'ydi!

28. Nazarov to'pni tepib yuborishda xatoga yo'l qo'ydi, uning xatosini himoyachi tuzatdi.

27. To'xtaxo'jaev raqibning xavfli hujumini bartaraf etdi.

24. Abdumannopov jarohat olgan ko'rinadi, unga tibbiy yordam ko'rsatilmoqda.

21. OKMKning burchak uzatmasi raqib jarima maydoniga qalar etib bormadi.

17. Jo'raqo'zievning raqib jarima maydoniga uzatgan to'pini Ilyosov egallab oldi.

15. "Paxtakor" futbolchisining zarbasining raqib jarima maydoni ichidan yo'llagan zarbasi OKMK himoyachisining qo'liga tekkandek ko'rindi, biroq hakam o'yinni davom ettirish lozimligini takidladi.

10. Merk o'yindan tashqari holatda qolib ketdi.

8. Burchak uzatmasidan so'ng Azmiddinovning bosh bilan yo'llagan zarbasiga aniqlik etishmadi.

6. Rustamov Abdumannopovni qo'pollik evaziga to'xtatib qoldi. Standartdan so'ng Abdumajidovning zarbasiga aniqlik etishmadi.

5. "Paxtakor" fubolchilari tezlik evaziga raqib jarima maydoniga kirishga urinmoqda, ammo OKMK himoyachilari ishonchli harakat qilmoqda.

1. O'yin boshlandi.

Jamoalar maydonga chiqib kelishdi. "Paxtakor" to'q binafsharang, OKMK kulrang liboslarda harakat qiladi.