O'yindan keyingi matbuot anjumanida mehmonlar ustozi Farhod Nishonov tassurotlari bilan o'rtoqlashdi.
"SHo'rtan” jamoasini g'alaba bilan tabriklayman. Birinchi bo'limda reja bo'yicha o'z o'yinimizni namoyish eta oldik. Tanaffusdan keyin esa yaxshi o'ynay olmadik. Yigitlar charchagani ko'rinib turibdi. Raqib g'alabaga haqliroq edi. Ikkinchi taym bo'yicha futbolchilarimga etirozim bor. CHarchoqmi yoki boshqa bir sabab ikkinchi bo'limda o'z o'yinimizni namoyish eta olmadik" - dedi Farhod Nishonov.
- Belgilangan penalti bo'yicha fikr bildirib o'tsangiz?
- Hakam qarorini muhokama qilishni istamayman, ammo 11 metrlik jarima zarbasi belgilanguniga qadar futbolchilarim xatoga yo'l qo'yishdi. SHu sababli penalti to'g'ri belgilandi, deb o'ylayman.
- Jamoangiz ayni damda egallab turgan o'rni haqida gapirib o'tsangiz?
- Mavsum avvalida biz o'z oldimizga boshqa bir maqsadni qo'ygandik. Maqsadimiz o'zgargani yo'q. Futbolchilarimiz hali yosh va o'sishga erishishmoqda. Musobaqa jadvalining so'nggi pog'onalarida borayotganimiz ham normal holat deb qabul qilaman. Biz kurashishda davom etmoqdamiz. Ligadagi ayrim jamoalar bizdan kuchliroq va tajribaliroq.
Bosh sahifaga
767