- Jamoam sifatli va yaxshi o'yin namoyish qildi. O'yinning borishi va natijasidan mamnunman.
- Odil Hamrobekovning asosiy tarkibda maydonga tushmasligi sababi nimada?
- Bu tabiiy holat. U nafaqat bizda, balki, terma jamoada ham almashtirilmaydigan futbolchi. Jamoaning asosiy futbolchisi bo'lsa-da, unga dam bermoqchi edik, bugun uning xizmatlaridan umuman foydalanmoqchi emasdik. Lekin tarkibimizda muammolar bor edi, 4 futbolchimiz diskvalifikaciya sababli o'yinda qatnashmasdi. O'yinga qadar u bilan gaplashib oldik va 15-20 daqiqa o'ynashini so'radik.
- Oldingizda tarkibni yoshartirish vazifasi qo'yilgan bo'lsa, bu ishni boshladingizmi?
- Klub strategiyasi shunday bo'lmoqda. Lekin kelasi yili kim ishlashini bilmaymiz. To'g'ri, ayni damda klubdagilar tarkibni yoshartirishni, klubdan chiqqan futbolchilarni, Superliganing boshqa klublaridagi namanganliklarni qaytarishni reja qilishmoqda. Reja shunday, ammo buni amalga oshira olamizmi yo'qmi, bilmaymiz.
- Mish-mishlarga qaraganda "Navbahor"ning ko'plab futbolchilari "Neftchi"ga o'tarmish. Bu haqda nima deya olasiz?
- Balki. Bo'lishi mumkin. Lekin mish-mishlar haqida biror aniq gap aytib ham bo'lmaydi. Bu juda qiyin. Mavsum yakunlanganidan keyin ko'ramiz. Futbolchilar qaerni xohlashsa, o'sha erga intilishadi.
Bosh sahifaga
153
