- Birinchi bo'limda qo'pol xatolarga yo'l qo'ydik. Ikkinchi bo'limga chiqayotganda umid bordek ko'ringandi, ammo qizil kartochka oldik. CHetlatishdan so'ng jamoani jahli chiqdi, 10 kishi bo'lib yaxshi vaziyatlarga ega bo'ldik. Biroq to'p darvozaga kirmadi. Barcha gollarni qarshi hujumlar tufayli o'tkazib yubordik. O'yinga rejamiz umuman boshqacha edi. Bir futbolchimizda to'rtinchi sariq kartochka, boshqasida qizil... Navbatdagi o'yin Jizzax jamoasiga qarshi - deya so'z boshladi mutaxassis.
- Bugungi uchrashuvdagi markaziy himoyachilar o'yini haqida qanday fikrdasiz?
- Birinchi taymdan so'ng ularni almashtirdik. Qanday qilib bunday xatolarga yo'l qo'yish mumkin.
- "Dinamo" Superligada ketma-ket 3 mag'lubiyatini qabul qildi. Bu omadsizliklarga asosiy sabab nima?
- Jarohatlangan futbolchilar ko'p. Ikki tayanch yarim himoyachimiz markaziy himoyada o'ynashmoqda. Ikki braziliyalikda shikastlanish bor. Zaxira etishmayapti.
- Bu mavsum avvalgilaridan yaxshi o'tdi deb o'ylaysizmi?
- Ikki xil taassurot bor. Musobaqada yaxshiroq ishtirok etishimiz, medallar uchun kurashishimiz mumkin edi. Yomon boshladik, keyin formaga kirib oldik. Odatda jamoa Pro ligadan chiqsa ularning vazifasi Superligada jon saqlash bo'ladi.
- Superliga bahslarida Anvar Xojimirzaev o'zini juda yaxshi ko'rsatyapti. Nega u milliy terma jamoaga chaqirilmayapti?
- Bu savolni terma jamoa ustoziga berish kerak. Anvardan ko'nglimiz to'q, balki terma jamoada uning poziciyasida yaxshiroq hujumchi bordir yoki boshqa sabab. Bilmayman.
Bosh sahifaga
238