2024 yilgi mavsum yakuniga 1 ta tur qoldi. Sir emaski, 2025 yildan boshlab Superliga ishtirokchilari soni 16 taga etadi.
Oldinda bizni qishki transfer oynasi kutib turibdi va u kelasi yilning 25 fevral kuni yakuniga etadi. Liga ishchi rejasi bo'yicha mavsum 7 mart sanasidan start oladi. Bunda mart oyidagi FIFA kuniga qadar 2 ta tur bellashuvlarini o'tkazib olish rejalashtirilgan.
"Nasaf" va "Andijon" jamoalari maydonga tushishi aniq bo'lgan Superkubok o'yini odatdagidek may oyida o'tishi katta ehtimol. Bu vaqt katta futbol uchrashuvini tashkil etishda har taraflama qulayligi avvalgi mavsumlarda isbotlangan.
Taqvimdan ko'rish mumkinki, Superliganing har bir klubi birinchi davra davomida minimum 18 tadan uchrashuvda maydonga tushadi. O'zbekiston Kubogining chorak finaliga qadar etib boradigan jamoalarda esa ichki o'yinlar soni 20 tani tashkil etadi.
Ikkinchi davra davomida 3 ta FIFA kuni mavjud. SHundan kelib chiqib, jamoalar bunda asosan Superligaga o'z diqqat etiborini qaratadi. Bu vaqt oralig'ida O'zbekiston Kubogining faqatgina yarim final va final o'yinlari o'tkaziladi.
Bu albatta ishchi reja hisoblanadi. Oldindan aniqlashning iloji bo'lmagan ayrim holatlar unga o'z tasirini ko'rsatishi mumkin.
Bosh sahifaga
138
