"Bobur Arena"da "Dinamo"ni yirik hisobda taslim qilgan "burgutlar" endi yilni chiroyli yakunlashga harakat qiladi. SHu o'rinda biz jamoaning yosh hujumchisi Rustam Turdimurodovning fikrlari bilan qiziqdik.
"Dinamo" bilan o'yin hujumlarga boy o'tdi. Yirik hisob qayd etilgan bo'lsada qiyin bo'ldi deya olaman. Biz uchun g'alaba zarur edi, boisi muxlislarimizni xursand qilishni istagandik. Ikkinchidan joriy mavsum "Bobur Arena"dagi oxirgi o'yinimizda maydonni yuqori kayfiyatda tark etish yoqimli bo'ldi. Bu mavsumda ko'proq o'yin amaliyoti berildi. Katta futbol taftini ancha yaxshiroq his qila boshladim. Qolaversa, kubokda g'olib chiqdik. O'z gollarim bilan hissa qo'shdim. Yana bir jihat, Andijon muxlislari "Ultras burgutlar" bu yil yondirishdi. Finalda hamma joyni qizil rang qopladi. Barchalariga rahmat deb qolaman.
To'g'ri, Superligada qolish masalasini hal qildik. Ammo "Navbahor" bilan o'yin derbi maqomida o'tadi. Ular finaldagi mag'lubiyat alami bilan tushishadi. Biz buni bilamiz va shunga yarasha tayyorgarlik ko'ryapmiz",- deydi Rustam Turdimurodov.
Bosh sahifaga
244