Futbolchilarim o'yining ahamiyatini yaxshi tushunib turgan holda so'nggi bahsga maydonga tushishgandi. Biroq bitta aniq zarba va gol uchrashuv taqdirini hal qildi. Umuman olganda, o'yin teng-kurashlarga boy bo'ldi. Futbolchilar maksimal darajada harakat qilishga intilishdi. OKMK jamoasini ikkinchi o'rini qo'lga kiritganlari bilan tabriklab qolaman. Biz esa pley-offga qolib ketmaganimizdan mamnunmiz. Futbolchilarimga mavsum uchun minnatdorchilik bildiraman. Mavsum davomida yaxshi g'alabalarga erishdik. Menimcha, mavsumni yomon o'tkazmadik deb o'ylayman. Turnir jadvalining tepa va past qismida jiddiy kurashlar bo'ldi. Uzoqdan kelgan barcha muxlislarga minnatdorchilik bildiraman. Afsuski, bu mavsum o'z maydonimizda harakat qila olmadik. Umid qilamanki, kelasi mavsum o'z maydonimizga qaytamiz. Biz uchun mavsum qiyin o'tdi. Nega qiyin? CHunki biz mashg'ulotni boshqa stadionda, o'yinlarni esa boshqa maydonda o'tkazdik. SHuningdek, biz doim safarda o'ynashga majbur bo'ldik.
Joriy mavsum «Qizilqum»ning oldiga qanday vazifa qo'yilgandi?
- Joriy mavsum jamoamizga TOP-10 ga kirish vazifasi qo'yilgandi. Afsuski, bir nechta ochko TOP-10ga kirishimizga etmadi. CHunki barcha jamoalar har bir ochko uchun jiddiy kurash olib bordi.
Bosh sahifaga
122
