"Barcha o'yinni ko'rdi, o'ylashimcha natijani hisobga olmasak, muxlislarga bu bahs yoqdi. Hozir kelajak haqida gapirish ortiqcha. Menga o'yin yoqdi. To'g'ri kechirib bo'lmaydigan xatolar bo'ldi. Uchinchi o'rinni oldik, demak shunday", - dedi Sergey Lushchan.
- Ikkinchi davrani hisobga olsak "Navbahor" faqat "Nasaf"dan kam ochko to'pladi. Natijadan qoniqdingizmi va keyingi yil uchun rejalaringiz qanday?
- Hozirgina yigitlarga qilingan ish uchun rahmat aytdim. Mavsum davomida o'yinni o'zgartirish juda qiyin. Klubga kelganimda 2 haftagina vaqtimiz bor edi. Tavakkal qilgandik. Futbolchilarda ham, menda ham maksimal yuklama bo'lgandi. SHunday darajadagi futbolchilar bilan ishlaganimdan xursandman. Ko'p yigitlarning darajada juda yuqori. Keyingi yil haqida nima bo'lishini bilmayman. Rahbariyat bilan dastlabki muzokaralarni o'tkazdik, o'z shartlarimni bayon qildim. Yosh futbolchilardan yangi jamoa tuzish vazifasi qo'yilgan ekan, murabbiylar shtabi 3 karra kuchaytirilishi kerak. Agar rahbariyat 31 dekabrga qadar murabbiylar shtabiga 6 nafar yordamchi olishimga rozi bo'lsa qolaman. Agar rozi bo'lmasa demak ketaman.
- Selekciya ishlari qanday davom etmoqda? Qaysi futbolchilar bilan shartnoma uzaytirish bo'yicha ish olib borilmoqda.
- Selekciya davom etmoqda, buni bosh direktor va sport direktori olib bormoqda. Sababi men klubda qolamanmi yo'qmi bilmayman. Keyingi yil "Navbahor"ga namanganlik futbolchilarni olib kelishmoqchi. Tarkibdagi etakchilarning shartnomasi tugamoqda va menimcha ularning barchasi ketmoqda. O'ylashimcha barcha etakchilar ketadi. Bu futbol. Etakchilar yosh emas, yana 5-6 yil futbol o'ynashlari mumkin. Agar ularga ikki baravar ko'p oylik taklif qilishsa buni to'g'ri tushunish kerak. Bu hayot.
- Agar poydevor bo'lmasa uy qulab tushadi. Klubda yaxshi maktab bo'lishi kerak. Akademiyaga katta moliya kiritish kerak, kuchli murabbiylar kerak. Ko'p narsa yosh futbolchilarga emas kuchli murabbiylarga bog'liq. Kuchsiz murabbiylarga javob berish va kuchlirog'ini olib kelish kerak. "Bunyodkor"da ishlaganimizda shunday qilgandik.
- 6 nafar yordamchi murabbiy kerak dedingiz. Ular mahalliy murabbiylarmi?
- Ulardan ikki nafari men bilan 2 yil birga ishlagan. Ularga nimadir o'rgatishim shart emas. Hozirgi shtabda ham yaxshi murabbiylar bor, ammo yangi jamoa qurmoqchi ekanmiz yordamchilarim men xohlayotgan narsani so'zsiz tushunishi kerak. Namanganda U-19, U-21 jamoalariga ham urg'u qaratish shart. Hozir bu erda faqat asosiy jamoa bor va bo'ldi. Qolgan jamoalar o'zi bilganicha ishlamoqda.
Bosh sahifaga
510