- Bu o'yin bizdan ko'ra "Lokomotiv"ga muhimroq ahamiyat kasb etardi. Jamoa ligada jon saqlab qolish uchun kurashayotganini bilardik va shunga yarasha o'yinga tayyorlandik. Ko'rinib turibdiki, jamoa murabbiylar shtabi, futbolchilari yuqori kayfiyatda bo'lishgandi. Yigitlarimga xarakter ko'rsatgani uchun rahmat aytaman, 0:2 hisobidagi mag'lubiyatni g'alabaga aylantirishdi. Oddiy o'yinda ham futbolchilarim xarakter ko'rsata olishdi, oxirigacha o'ynashdi va natija bilan muxlislarni xursand qilishdi.
- Ilk navbatda g'alaba bilan tabriklayman. Mavsum Siz uchun qanday o'tdi? Jamoangizga qanday baho bera olasiz?
- Mavsumni Amerikancha atrakcionga qiyoslasa bo'ladi. Bir mag'lub bo'lgan jamoa pastga sho'ng'iydi, g'alaba qozongani esa anchagina tepaga chiqadi. SHu sababli jamoamga 5 baho qo'ygan bo'lardim. Jamoaning shart-sharoitlarini inobatga olsak, bu o'ringa mosmiz.
- Jamoa so'nggi 5 o'yinning 4tasida g'alaba qozondi. Ushbu mavsum chempionlikka nima etishmadi?
- Ilk navbatda moliyaviy barqarorlik. Ikkinchidan tashkilotchilik. Klubdagi barcha-barcha o'z ishlarini yaxshi bilishlari kerak. Uchinchidan, omadning ko'p-ko'p biz tomonga kulib turishi. Agarda turnir jadvaliga qaraydigan bo'lsak, 3-4-5-o'rinni egallagan jamoalar bir xil ochkolarni jamg'arib turibdi. Agarda omad kaliti bizda bo'lsa, barchasi boshqacha bo'lardi. Ha, bazi o'yinlarda omadimiz kelib qolib, natijalarni qo'lga kiritdik. Agarda ayrim o'yinlarda o'sha omad biz tomonda bo'lganida biz yanada teparoqda bo'lardik.
- Ikkinchi bo'lim boshidagi 3 o'zgarish taktikaga bog'liqmidi?
- Yo'q, o'yinning borishiga qarab o'zgarishlar qildim. Agarda o'yin ritmidan chiqib qolsangiz, o'rindan turib, davom etish kerak. Mavsum yakuni, ayrim futbolchilar charchagan, bazilari ketish kayfiyatida. Ikkinchi bo'lim boshida tushgan futbolchilar o'yinni kuchaytirishdi va g'alabaga munosib hissa qo'shishdi.
- "Neftchi" mavsum boshida qo'yilgan vazifalarni bajardimi?
- Bunga qisqa javob berib bo'lmaydi. Yigitlardan mamnunman, bu jamoada xarakter bor. Qachonki futbolchilarda xarakter bo'lsa, muammolar tezda yopiladi. Holatni tushunib turmaydiganlar esa so'nggi o'rinlarda bo'lishadi va jon saqlash uchun kurashadi. Bugun futbolchilarim taslim bo'lishmadi va mavsumni yuqori notada tugatishga harakat qilishdi.
- Yakunlangan mavsumni "Neftchi" uchun 3 so'z bilan tariflasa bo'ladi?
- Aytganimdek, bu mavsum Amerikancha atrakcion kabi qiyin o'tdi. SHunday davrlar bo'ldi-ki, barchasi og'ir kechdi. Mag'lubiyatlardan hulosalar chiqardik. Oxirigacha kurashdik va taslim bo'lmadik. "Neftchi" muxlislari jamoasidan uyalmasligi kerak.
- Kelasi mavsumda "Neftchi"da qolasizmi?
- Yashasak ko'ramiz. Hozir Farg'onaga qaytishimiz kerak. Keyin rahbariyat bilan gaplashamiz va qaror chiqariladi.
- Demak, Sizda klubda qolish niyatingiz bor.
- Niyat boshqa, qaror boshqa. Hozir ayrim narsalarni gaplashib olishning ayni fursati.
Bosh sahifaga
2748