Natijalar manipulyaciyasidan qochish uchun barcha o'yinlar bir xil vaqt, aniqrog'i 15:00da boshlandi. SHu bilan birga, barcha o'yinlardagi ikkinchi taymlar ham bir xil vaqtda boshlandi.
SHunday bo'ldiki, ayrim jamoalar 15 daqiqa (odatdagidek), kimdir 20 daqiqa yoki undan ham ko'p dam oldi, sababi birinchi taymlar turli xil vaqtlarda tugadi. Masalan, "Nasaf" — "Metallurg" o'yinining birinchi taymiga 7 daqiqa qo'shib berildi, mehmonlar yakunda golni to'qqizinchi qo'shib berilgan daqiqada urishdi. SHunday qilib mumkinmi?
Bu savolga Championat.Asia'ning hakamlik bo'yicha eksperti rossiyalik sobiq hakam Anatoliy Sinyaev ("Alyo, ref!" telegram kanali) javob berdi:
- O'yinlar qoidalarida ikkinchi taymlar bir xil vaqtda boshlanishi kerakligi haqida hech narsa deyilmagan. Ehtimol bu O'zbekiston chempionatining reglamentida qo'shimcha tarzda kiritilgandir. Reglamentingizda bu haqda nimadir bormi, buni bilmayman.
Agar u erda so'nggi turdagi o'yinlarning ikkinchi taymlari bir xil vaqtda boshlanishi kerakligi yozilgan bo'lsa, demak bu normal holat. Umuman olganda jamoalar kamida 15 daqiqa dam olishlari kerak, ammo 15 daqiqadan ortiq ham bo'lishi kerakmas.
Bosh sahifaga
115
