Simeone La Ligadagi poyga haqida: "Atletiko" o'zi bilan o'zi kurashmoqda. Nimani xohlashimizni aniq bilamiz va maqsad sari harakat qilyapmiz"

Madridliklar 15 o'yindan so'ng "Barselona"dan 2 ochko ortda qolgan holda 2-o'rinda borishmoqda.

"Kurashga kelsak [sovrin uchun], biz o'zimiz bilan o'zimiz kurashyapmiz. Oson bo'lmaydi, sababi "Real", "Barselona", "Vilyarreal" bilan raqobat qilyapmiz, "Atletik" ham juda yaxshi jamoa. La Liga – og'ir turnir, ammo o'yindan o'yinga yanada qiyinlashib boradi.

Langle, Serlot va Xulian [Alvares]ning o'sishi, Ruben [Le Norman]ning [tezroq] tiklanishi – bularning bari yaxshi jamoa bo'lib ishlashga yordam beradi. Nima xohlashimizni aniq bilamiz va maqsad sari odimlayapmiz", – dedi "Atletiko" bosh murabbiyi "Valyadolid" (5:0) bilan o'yindan keyin.