“Siz bir necha yil davomida arab mamlakatlari klublarida ishlagansiz. Bu vaqt ichida sizga Evropa klublaridan qiziqish bo'lganmi? U erda yaxshi natijalarga erishgansiz".
“Al-Ayn” vakillari bu savolning “Paxtakor”ga qarshi o'yinga bevosita aloqasi yo'qligini izohlab, Jardimga javob berishga imkon berishmadi. Biroq matbuot anjumanidan so'ng, ochiq mashg'ulotdan oldin Leonardo baribir javob berishga qaror qildi.
- “Monako”da ishlaganimda top-klublardan taklif kutgandim, lekin o'shanda menga hech kim qiziqish bildirmagandi. Men chinakam top jamoalarni kutgandim. Ammo men bilan qiziqqan klublarning hammasi ham o'z oldilariga etarlicha yuqori maqsadlar qo'yishmagan. Men chempionlik uchun kurashishni, CHempionlar ligasini yutishni xohlardim. Yakunda men g'alaba qozondim, lekin Osiyoda - "Al-Hilol" bilan.
Menga arab mamlakatlarida yashash yoqadi (Jardim “Al-Hilol”, “SHabab Al-Ahli” va “Ar-Rayyan”da ishlagan – “Championat.Asia”). Hayot uchun kerak bo'lgan hamma narsa bor, futbol darajasi yaxshi. Oilamga ham qulay. Bundan tashqari, biz turli joylarda yashashni va turli madaniyatlarni o'zlashtirishni yaxshi ko'ramiz.
Oxirgi paytlarda hech qaysi jiddiy klub menga qiziqish bildirmayapti. Umuman olganda, men qachondir terma jamoada ishlashni xohlayman. Ehtimol, Osiyoda. Asosiysi, yaxshi va yuqori maqsadli jamoa bo'lgani.
Bosh sahifaga
510