"Birinchi 45 daqiqalikda jamoam yaxshi o'yin namoyish eta olmadi. Biz agressiv o'yin namoyish eta olmadik. Bu menga yoqmadi. Raqibga deyarli qarshilik ko'rsatmadik va yakkakurashlarda mag'lub bo'ldik. Tanaffusda futbolchilar bilan gaplashib oldim va "Al Ayn" yaxshiroq o'ynash kerakligini aytdim. Ikkinchi taymda esa raqibga yaxshi qarshilik ko'rsatdik. Himoyada va hujumda ko'proq to'pga egalik qilishimiz kerak edi. CHetlatishdan so'ng ham biz g'alaba qozonishga intildik. Futbolchilarim kurashishda davom etdi. Men so'nggi soniyaga qadar kurashishni yoqtiraman. Biz bugun g'alaba qozonishni maqsad qilgandik. Afsuski, bugun ikki ochko yo'qotdik va oldinda faqatgina ikkita bahs qoldi. Imkoniyatlarimiz kamayib ketdi. Endi biz boshqa jamoalarning natijalariga bog'lanib qoldik.
- Durang natijasi bugungi o'yin uchun adolatli natija bo'ldi deb o'ylaysizmi? Ikki jamoa ham hisobni yiriklashtirish uchun etarlicha imkoniyatlarga ega bo'lishdi.
- "Paxtakor" birinchi bo'limda faolroq edi va ular ko'proq gol urishlari mumkin edi. Tanaffusdan so'ng esa bizda imkoniyatlar paydo bo'la boshladi. Durang natijasi o'yinga mos bo'ldi deb o'ylayman.
- "Al Ayn" qizil kartochkadan so'ng o'yinni kuchaytira oldi. CHetlatish futbolchilaringizga yaxshi tasir qildi deb o'ylaysizmi?
- Yo'q. Biz ikkinchi taymga boshqacha yondashuv bilan maydonga tushdik. Futboldagi eng muhim omillardan biri - xohish. Kuchli istaksiz katta natijalarga erishib bo'lmaydi. Biz ikkinchi taymda yanada ko'proq ishtiyoq bilan kurashdik. Bahs so'ngida Kuame ajoyib vaziyatga ega bo'ldi, ammo raqib darvozaboni juda yaxshi harakat qildi deb ayta olaman.
- Toshkentdagi sovuq ob-havo jamoangizga qanday tasir o'tkazdi? Futbolchilaringiz uchun bunday iqlimda futbol o'ynash qiyin bo'lmadimi?
- Ob-havo katta tasir o'tkazdi demayman. Havo biroz sovuq bo'lgandir, ammo bunday iqlim futbol o'ynash uchun juda qulay, menimcha. Men ko'proq maydon holati haqida gapirishim mumkin. Elit CHempionlar ligasi uchun maydon holati yaxshiroq bo'lishi kerak deb o'ylayman. Balki "Paxtakor"da boshqa maydon yo'qdir, lekin bunday musobaqada ishtirok etayotgan jamoalarga yaxshiroq maydon taqdim etilishi kerak. Maydon holati bugungi natija uchun bahona bo'la olmasligi aniq.
Bosh sahifaga
69
