Matbuot anjumanida "Paxtakor" raisi Jahongir Ortiqxo'jaev, "Paxtakor" klubi raisi o'rinbosari Dilshod Karimov, "Paxtakor" klubi sobiq bosh murabbiyi Maksim SHackix va yangi bosh murabbiy Pedro Moreyra ishtirok etdi.
Jahongir Ortiqxo'jaev: Barchani kirib kelayotgan Yangi yil bilan tabriklaymiz. 2024 yil "Paxtakor" uchun qiyin yil bo'ldi, kutilgan natijalarni qo'lga kiritmadi, buning uchun muxlislardan uzr so'raymiz. Aslida yil boshida maqsadimiz chempionlik emas edi. Yoshlarga imkoniyat berishni maqsad qilgandik. Superligada 6-o'rinni egalladik, bu natija qoniqarsiz deb bo'lmaydi. O'zi umuman Toshkent klublari bu yil yomon ishtirok etishdi. "Lokomotiv" Pro ligaga tushib ketdi, "Bunyodkor" oxirida Superligada qolishga erishdi. 2024 yil uchun futbol muxlislariga rahmat aytaman, O'FAga chiroyli o'yinlarni tashkil etib berganlarga, hakamlarga ham rahmat aytamiz, biroz qizishganda muxlislarimiz haqorat qilishadi, ulardan uzr so'rayman.
- Sizni uzoqni ko'ra oladigan inson sifatida bilamiz. "Paxtakor" klubini kelajakda qanday ko'rasiz?
- "Paxtakor" bilan katta bo'ldik, yoshligimdan har bir o'yiniga borardik. Mirjalol Qosimov o'zbek futboli afsonasi, Igor SHkvirin o'yinlarini ko'rganmiz. "Paxtakor" dunyoda o'ziga yarasha obro'si bor klub. Evropaga borganimizda ko'plar "Paxtakor"ni bilishlarini aytishdi. Kelajak haqida so'radingiz bir yillik chempionlik emas o'ziga yarasha obro' etibori bo'lishini, Osiyo maydonlarida har qanday klubga qarshi tengma teng o'ynashni xohlardim. Buning uchun barcha harakatlarni amalga oshiryapmiz. Masalan Marokash terma jamoasining Jahon chempionatidagi ishtiroki, Islandiyani eslang, Xorvatiyani yorib chiqqanini eslang. "SHerif"ni oling, "SHaxtyor" Evropada o'z nomiga ega bo'lgan.
- Yoaxim Lev bilan uchrashdingiz. Bu uchrashuv haqida nima deysiz? "Paxtakor" stadionining taqdiri qanday bo'ladi?
- Yoaxim Lev bilan tasodifiy uchrashuv bo'ldi. Bir shaharda ko'rishib qoldik va birga tushlik qildik xolos. Murabbiylik bo'yicha gaplashmadik. "Paxtakor" stadioni chimini FIFA standartlariga mos tarzda yangilaymiz. Nasib qilsa bahordan o'z maydonimizda o'ynashni boshlaymiz.
- Kuchli klub o'z infratuzilmasini ham kuchli qilishi kerak. Bu borada qanday ish olib boriladi? "Ayaks" darajasiga chiqa oladimi "Paxtakor"?
- To'g'ri infratuzilma ham kerak, ammo Braziliyani oling, qishloqlardan chiqqan bolalar Jahon chempioni bo'lishmoqda.
- Maksim SHackix qanday asosga ko'ra istefoga chiqarilmoqda? Yangi bosh murabbiy bilan necha yillik shartnoma tuzilmoqda va uning oldiga qanday vazifalar qo'yilmoqda?
- Maksim SHackixga rahmat aytaman. 3 yildan buyon birga ishladik. Yil boshida aytganimdek chempionlik vazifasi qo'yilmagandi. Yoshlarga imkoniyat yaratib berdik, shu sababli SHackix klubda qoladi. U direktorlar kengashida qoladi va mening maslahatchim bo'ladi. U yangi murabbiyga ham yordam beradi. Moreyra bilan 1+1 ko'rinishida shartnoma tuzdik. Uning o'zi chempionlik uchun kurashmoqchi.
- Nega "Paxtakor"ga Elit OCHLdan oldin yaxshi kuchli hujumchi olib bermadingiz?
- Agar yil boshida chempion bo'lishni xohlaganimizda bitta emas 5 nafar hujumchi oberardim. Lekin biz bir yilda ko'pik kabi ishib keyin yo'q bo'lib qolishni xohlamadik. Yoshlarga yo'l berib ko'rishni istadik. Har yili Superliga bor, har yili Elit OCHL bo'ladi. Lekin qattadir o'zimizni ko'rsatish emas yoshlarga etibor qilish edi.
- Yangi bosh murabbiyga savolim: Evropadan Osiyoga ko'chib o'tish baribir tavakkal hisoblanadi. "Paxtakor"ni tanlashingizga aynan nima sabab bo'ldi?
Pedro Moreyra: - Barchaga xayrli kun. O'zbekistonda ekanimdan xursandman. Maksim SHackix 3 yil ichida 2 marta chempion bo'ldi. Bu ajoyib natija. Men jamoa bilan yangicha uslubda o'ynashni istayman. Bu erda kelishimdan oldin klubni o'rganib chiqdim va o'zimda nimanidir o'zgartirishni xohladim. Klubning g'oyasi va rejalari menga yoqdi. 2024 yilda yoshlarga etibor qilingani kelajakda albatta o'z mevasini beradi. Klubni o'rganishni boshladim va kechagi o'yinni ham tomosha qildim. O'yin menga yoqdi. Evropaning ko'p klublarida yordamchi bo'lib ishladim, endi u tarix. Futbol muxlislarini chiroyli o'yin orqali tribunalarga qaytarishga harakat qilamiz.
Jahongir Ortiqxo'jaev: Men savol muallifidan biroz xafa bo'ldim. Bu o'zbek futboliga past nazar bilan qarashmi? "Paxtakor" dunyoda o'z o'rniga ega klub hisoblanadi. O'zbekistonlik futbolchilar Franciyada, Italiyada o'ynashmoqda. CSKAni etakchisiga aylanmoqda bizning yigitlar.
- Nega aynan Pedro Moreyra tanlovida to'xtalindi?
Dilshod Karimov: - Biz bu borada ko'p ishladik. Turli tizimlar orqali murabbiylarni tekshirdik. Uning ish uslubi bizga mos kelgani uchun Pedro Moreyrani tanladik.
- 2024 yil haqida qanday fikrdasiz?
Maksim SHackix: - Yil boshida oldimizga chempionlik vazifasi qo'yilmagan edi. Birinchi davrani peshqadamdan 4 ochko ortda qolayotgandik. Ikkinchi davra boshida nimadir sodir bo'ldi va yakunda 6-o'rinni egalladik. Bu yilgi yoshlar ancha tajriba olishdi. Agar Elit OCHLdagi o'yinlar soni yanada ko'proq bo'lganida yigitlarning tajribasi yanada ortardi.
- Nega ketma ket ikki yil davomida "Paxtakor"da "sabotaj" (finta) bo'lmoqda?
- Ko'p futbolchilarimiz chempionlikdan to'yishgan. Ular faqat keyingi yilga shartnoma olishni xohlashadi. Biz esa shartnoma uzaytishni istamadik, shu bois ular o'yinni tashlab yuborishadi. Ahamiyat bo'lsangiz o'tgan yil yoshi kattalarni stadionga o'tkazib qo'ydim va Diyor Xolmatovni sardor qilib qo'ydim. Bu yil ham SHackixga biroz dam berdik va o'zlariga qo'yib berdik. Ammo ular ham eplay olishmdi. "Paxtakor"da o'ynash nafaqat oylik olish, balki sharaf hisoblanadi. Faqat moliyaviy tomonlarini o'ylamaslik kerak.
- Siz tadbirkorsiz, nima deb o'ylaysiz "Paxtakor" necha yilda foyda keltiradi?
- Dunyoda menicha 10-15ta klub foyda keltirsa kerak. "Paxtakor"ga foyda keltirishi uchun emas yoshlikdan shu klubga muxlis bo'lganimiz uchun yordam beryapmiz. Kimdir qilishi kerakku baribir. O'zbekistonda futboldan daromad kelishiga men ishonmayman.
- SHackix 2 oylik tatildan qaytganidan keyin CHeran, Sobirxo'jaev va Kamoliddin Tojiev ko'rinmay qolishdi.
- Ular ham 2 oyga tatilga chiqishdi. CHeran 38 yoshda, menimcha u murabbiylik o'qisa yaxshi bo'lardi. U o'zbek futboliga katta hissa qo'shgan fidoiy inson hisoblanadi. Ammo keyingi yil CHeranni "Paxtakor"da ko'rmayapmiz. CHerandan kuchli murabbiy chiqadi. Xayrlashuv uchrashuvi? Stadionda muxlislarni o'zi yo'qku.
- Alijonov va Hamdamov "Neftchi"ga o'tmoqda degan gaplar chiqdi...
- Ular hali hech qaerga ketishmadi. Agar Alijonov va Hamdamovni olib qolsak Elit OCHLda chempion bo'lamiz deb ayta oladigan inson bo'lsa ularni har qanday oylikka bo'lsa ham olib qolamiz.
- 2024 yil "Paxtakor"ning smetasi qancha bo'ldi? 2025 yilda smeta oshadimi?
- Taxminan 100 milliard so'mdan oshdi. 2025 yilda smeta oshadi, chunki "Paxtakor" stadioni rekonstrukciya ham boshlanadi tez orada.
- Nima deb o'ylaysiz Toshkentga 4 ta klub ko'p emasmi?
- Mening ham fikrimcha Toshkentga 4 ta klub ko'p. Lekin bu borada men hech nima qila olmayman. Fikringiz to'g'ri, lekin gapimni iltimos kesib chiqarib yubormanglar.
- "Paxtakor" stadioni rekonstrukciya qilinadi dedingiz ammo yosh futbolchilar o'ynayotgan CHilonzordagi maydon holati judayam qoniqarsiz holatda. U erga qachon etibor qaratasizlar?
- Albatta bosqichma bosqich akademiyaga ham etibor qaratamiz. Nafaqat CHilonzor, balki Qibrayga ham qaraymiz.
- 2021 yilda "Paxtakor" futbolchilarining maoshlarini elon qilib shaffoflikni targ'ib qilgandingiz. Yangi bosh murabbiyning maoshini elon qila olasizmi?
- (kulib) Yangi bosh murabbiy shartnomasiga maoshni elon qilmaslik bandi borda. Lekin buyursin deymiz. Bizga yaxshi futbol namoyish etib bersa bo'lgani qolgani ikkinchi darajali.
- "Paxtakor" haqida qanday fikrdasiz?
Pedro Moreyra: - O'zbekiston terma jamoasi Jahon chempionatiga chiqish uchun kurashmoqda. "Paxtakor"da akademiya yaxshi ishlamoqda. So'nggi mavsumda asosiy tarkibdagi yoshlar o'z tajribasini oshirishmoqda. O'zim yoshlar jamoasida ishlab keyin kattalar jamoasiga o'tganman. Bizda yangicha qarashlar mavjud. Hozirgi yoshlar ham yaxshi, ularga yanada kuchayishlari uchun yordam beramiz. "Paxtakor" turli toifalarda chempion bo'laveradi. Bundan tashqari SHackixdan ham yordam so'rayman, chunki u har bir futbolchining imkoniyatini bilamiz.
- Nega bizda sifatli maydonlar yo'q? Akademiya bolalari ham yomon maydonda o'ynab katta bo'lishmoqda.
- Juda to'g'ri savol bo'ldi. Agar asfalt yo'l qurmoqchi bo'lsak faqat ustini o'ylaymiz, tagiga etibor qilmaymiz. Maysaga etibor qilinsa uzoq yil xizmat qilib beradi. Unga o'g'it berish kerak. Pul sarflagandan keyin albatta qaraymiz. Turkiyadan xodimlarni chaqirdik va 5 yil davomida o'zingiz qarab berasiz deb shart qo'ydik.
- Siz Paulo Fonsekaga yordamchi bo'lib ishlagansiz, SHackix ham yordamchi bo'lib ishlab keyin "Paxtakor"ga kelgandi. Dastlabki ikki yilda u chempion bo'ldi. O'z oldingizga qanday maqsad qo'yasiz?
Pedro Moreyra: - Tajribamni oshirish uchun ko'p yillar davomida ishlab kelganman. "Paxtakor" g'oyalari bilan mening g'oyalarim mos keldi. Biz har o'yinda g'alaba uchun maydonga tushamiz. Har bir g'alaba orqali sovrinlarga yaqinlashib boramiz. "Paxtakor" xalqaro maydonsiz qolib ketishi klubga yarashmaydi va maqsadimiz tezroq Elit OCHLga qaytish bo'ladi.
- "Paxtakor" o'yin uslubini yangilaysizmi?
Pedro Moreyra: - Har bir odamning g'oyasi turlicha bo'ladi, o'yinchilar bizning asosiy yordamchilar bo'ladi. CHunki murabbiy aytadi, futbolchilar uni bajaradi. Mendan oldingi murabbiylar shtabiga rahmat aytaman.
Jahongir Ortiqxo'jaev: - Biz yangi bosh murabbiyning ishiga aralashmaymiz. Taktika va tarkiblarga umuman aralashmaymiz. Buni ham o'zbeklashtirib bir haftadan keyin choyxonadan chiqa olmaydigan bo'lib qolmasin tag'in (kuladi).
- Yangi yilda "Paxtakor"da yangi legionerlar bo'ladimi?
Jahongir Ortiqxo'jaev - Pavel Pavlyuchenko, Kimi Merk va Dragan CHeran bilan xayrlashamiz. Iroqlik Bashar Resan bilan kelishuvga erishdik. Bizda yana 5 ta imkoniyat bor. Mo'ljallab qo'ygan futbolchilarimiz bor. Bosh murabbiy bilan maslahatlashgan holda albatta kuchaytiramiz.
- O'zbek futbolida nimalarga etibor qilish kerak?
Maksim SHackix: - Maydon sifatlarini yaxshilash kerak. Bundan tashqari futbolchilar mehnatsevar bo'lishi kerak. Har kuni chiqib mehnat qilishi kerak. Maydonlar yaxshi bo'lsa muxlislar ham, futbolchilar ham maza qilishadi.
Pedro Moreyra: Birinchi navbatda O'zbekistonga ko'nikishim kerak. Muxlislarga yorqin va chiroyli o'yin namoyish etib berishimiz kerak. Maydon masalasi ham muhim faktor, shu bois ishlaydigan muhit barchasi yaxshi bo'lishi kerak. "Paxtakor"ning o'zida biror bir narsaga yordam berish imkoni bo'lsa albatta xursand bo'laman. O'zbek murabbiylariga ham yordam berishga tayyorman.
- Stadiondagi sharoitlarni yaxshilash borasida takliflarim bor edi: Kirishda mashina bilan kirishda muammo bo'ladi, tablo yangilanadimi, stadiondagi diktor ovozi biz muxlislarga etib kelmaydi...
- Savolingiz uchun rahmat. O'rinli savol. Siz aytgan narsalar katta mablag' talab qilmaydi, nasib qilsa albatta bu borada ish olib boramiz. Ammo maydon tribunasini maydonga yaqinroq qilish uchun kapital remont kerak bo'ladi.
Tadbir so'nggida Maksim SHackix Pedro Moreyraga "Paxtakor" vimpelini topshirdi va shu orqali yangi bosh murabbiyga omad tiladi.
Bosh sahifaga
824