O'tgan hafta Premer ligada akciya bo'lib o'tdi. Unga ko'ra, jamoa sardorlari maydonga kamalak rangli bog'ichda tushib kelishlari kerak edi.
"Manchester Yunayted" futbolchilari 1 dekabr kuni bo'lib o'tgan "Everton"ga qarshi bellashuv (4:0)ga "Adidas" kompaniyasi tomonidan taqdim etilgan kamalak rang kurtkalarda tushib kelishlari zarur edi.
Biroq mankunianliklarning marokashlik himoyachisi Nussair Mazraui musulmon va dindor ekanligini aytib ushbu kurtkani kiyishdan bosh tortadi. MYUning qolgan futbolchilari Nussair ulardan ajralib qolib omma etiboriga tushmasligi uchun uni qo'llab-quvvatlashdi hamda ular ham kurtkalarni kiyishmadi.
"Bu jamoaning qarori, shunday bo'lishi kerak.
Uchta narsa borki, ularni doim hisobga olish darkor. Birinchidan, klub qadriyatlari. Bu klub nimaga ishonishi va nimani himoya qilishiga shubha yo'q. Undan keyin hurmat qilinishi zarur bo'lgan din. Bizning qadriyatlarimiz - boshqa odamlarning fikrlarini hurmat qilishdir.
Va uchinchisi - jamoaviy narsalardir. "Nussairni yolg'iz qoldirmaymiz, biz bir jamoamiz." Aksariyat o'yinchilar bir narsaga ishonishadi, Lekin ular boshqa yigitni ko'rishdi va shunday deyishdi: "Keling, hammamiz birga bo'lamiz".
Biz bu uch narsani doim hurmat qilishimiz zarur. Buni yaxshi uddaladik deb o'ylayman. Biz hammani hurmat qilishimiz kerak, shuningdek, biz Nussairning dini va madaniyatini ham hurmat qilishimiz zarur", - dedi "Manchester Yunayted" ustozi Amorim.
Bosh sahifaga
202
