Assalomu alaykum, birinchi navbatda barcha «Qo'qon-1912» jamoasiga befarq bo'lmaganlarni Superliga yo'llanmasini qo'lga kiritganimiz bilan tabriklayman. Bu g'alaba barchamizniki. Ular sovuq bo'lishiga qaramasdan «Metallurg»ga qarshi uchrashuvda stadionga kelib, daxshat qo'llab-quvvatlashdi. Bu bizga katta ishonch berdi.
Penaltilar seriyasi...
- SHeriklarim dastlabki ikkita penaltidan foydalana olmaganlaridan so'ng menda hech qanday yomon xayollar yo'q edi. Barchasi joyida edi. O'zimda va jamoadoshlarimga ishonardim. Biz ushbu penaltilar seriyasida g'olib bo'lib ketishimizga ishonchim bor edi. Penaltilar seriyasiga jamoamiz murabbiylari bilan jiddiy tayyorgarlik ko'rdik. Uchrashuv avvalida murabbiyimiz Xurshid aka raqib futbolchilarining ehtimoliy yo'llaydigan penaltilar yo'nalishi yozilgan varaq ham tayyorlab, baklashga o'rab bergandilar.
Joriy mavsum o'zingizning o'yiningizdan qanchalik qoniqdingiz?
- Har bir futbolchi yanada yaxshiroq harakat qilishga intiladi. Umuman olib qaraganda, joriy mavsumdan ancha ko'nglim to'ldi. Biroq hali qilinadigan ishlar etarli. Yanada ko'proq mehnat qilib, yana o'sishga intilaman.
Umuman olganda Pro ligadagi ilk mavsumingizni o'tkazdingiz? Pro liga va Superliga jamoalari o'rtasida qanchalik farq sezildi?
- Bu yilgi Pro liga jamoalari ancha kuchli edi desam, adashmayman. Buni Pro liganing to'rtta jamoasi Superligaga yo'l olganidan ham bilib olsak bo'ladi. Oddiy o'yinlarning o'zi bo'lmadi. Barcha jamoalar maksimal qarshilik ko'rsatishdi. Menimcha har bir uchrashuv shiddatli o'tdi. Superliga va Pro liga o'rtasida katta farq sezilmadi.
Nega aynan darvozabonlik?
- Yoshligimdan o'zimda darvozabon bo'lishga qiziqish bo'lgan va shu sababli yoshligimdan futbolga kelishim bilan darvozabon poziciyasidaman.
Bosh sahifaga
236
