Niderlandiya TJ ustozi: “Evroga oz qoldi, Virjilning qaytishiga umid qilmayapman”

“Uning ixtiyorida 8 hafta (Evro-2020 qaydnomasidan joy olish uchun) qoldi. Bu vaqt etarli bo'ladimi, bilmayman.

U bilan gaplashdim, u maydonda shug'ullanishni boshlagan. Biroq, doimo asoratlar sezilishi mumkin va hatto qo'shimcha 2-3 hafta ham uning bu mavsumda “Liverpul”da o'ynamasligini bildiradi. Keyin esa unga: “Bor etiboringni keyingi mavsumga qarat”, deyishlarini tasavvur qilishingiz mumkin.

U to'g'ri yo'ldaligidan xursandman. Barchasi u o'zini qanda his qilishiga bog'liq.

Uning “Liverpul” yoki biz uchun o'ynay olishini esa bonus deb bilaman. Hozir unga umid bog'lamayapman. Ammo agar u tiklana olsa, bu juda zo'r bo'lardi. Unga bu tarzda bosim o'tkazishni istamayman, u barchasini o'zi hal qilishi lozim”, deydi de Bur.