Gana mazkur bahs uchun mahalliy chempionatdagi jamoalardan yig'ilgan futbolchilarni O'zbekistonga olib keldi.
Qaydnomadan joy olgan 20 futbolchiga qaraydigan bo'lsak, ulardan faqatgina 2 nafari – himoyachi Kristofer Nakay Nettey va yarim himoyachi Jastis Bley asosiy jamoada oz bo'lsa ham o'yin amaliyotiga ega bo'lganini ko'rish mumkin. Ro'yxatdagilarning qolgani esa asosan yosh futbolchilar hisoblanadi. Qizig'i, tarkibda Gana Premer-ligasida peshqadamlik qilayotgan “Karela”dan atigi bir futbolchi (hujumchi Diavizi Teylor) jalb qilingan.
Yaqinda IFFHS portali milliy chempionatlarning yangi reytingini elon qilgandi. Unga ko'ra, O'zbekiston Superligasi 48-o'rindan joy olgan, Gana birinchiligi esa TOP-80'ga ham kiritilmagan edi. Bu esa oradagi farq sezilarli darajada ekanligini bildiradi.
Endi savol tug'iladi: bo'lajak o'yin Vadim Abramov shogirdlariga foyda beradimi yoki Ganaga?
Gana 2 xil termadan tashkil topgan. Birinchisi asosiy jamoa hisoblanadi va yuqori darajadagi musobaqalarda qatnashishi ko'zda tutilgan. Ikkinchisi esa “A” jamoasi (laqabi - "mahalliy qora yulduzlar") bo'lib, u milliy chempionatdagi etakchi futbolchilardan yig'ilgan va qita miqyosidagi turnirlarda ishtirok etadi. Uning bosh murabbiyi 43 yoshli Ibrohim Tanko va u asosiy terma ustoziga yordamchi sifatida ham faoliyat olib boradi. Yuqoridagi malumotlarga asoslanib, Tanko O'zbekistonga 3-daraja (balki undan pastroq)dagi “B” termasi bilan tashrif buyurgani malum bo'lmoqda.
Darvozabonlar:
Jozef Addo "Aduana" jamoasida o'ynaydi (30 yosh) – asosiy terma jamoada maydonga tushmagan
Richard Atta "Xarts" (25 yosh) – terma jamoada maydonga tushmagan
Uilyam Essu "Vijen" quyi divizion klubi darvozaboni (18 yosh) – terma jamoada maydonga tushmagan
Himoyachilar:
Kristofer Nakay Nettey "Asente Kotoko" (22 yosh) – termada 1 ta o'yin o'tkazgan
Ibrohim Imoro "Asente Kotoko" (21 yosh) – terma jamoada maydonga tushmagan
Yusuf Mubarik "Asente Kotoko" (25 yosh) – terma jamoada maydonga tushmagan
Josef Ajey "Legon" (25 yosh) – terma jamoada maydonga tushmagan
Konadu Yiadom VAFA (20 yosh) – terma jamoada maydonga tushmagan
Dennis Korsa "Ebusua" (25 yosh) – terma jamoada maydonga tushmagan
Samuel Abbi-Eshi Kuey "Greyt Olimpiks" (19 yosh) – terma jamoada maydonga tushmagan
Yarim himoyachilar:
Jastis Bley "Medeama" (29 yosh) – termada 4 ta o'yin o'tkazgan
Moro Salifu "Bechem Yunayted" (22 yosh) – terma jamoada maydonga tushmagan
Rashid Nortey "Medeama" (25 yosh) – terma jamoada maydonga tushmagan
Mishel Otou "Greyt Olimpiks" (23 yosh) – terma jamoada maydonga tushmagan
Maksvell Kuae "Greyt Olimpiks" (23 yosh) – terma jamoada maydonga tushmagan
Agenim Boateng "Drims" (24 yosh) – terma jamoada maydonga tushmagan
Hujumchilar:
Deniel Afriye "Xarts" (19 yosh) – terma jamoada maydonga tushmagan
Persey Boa "Drims" (18 yosh) – terma jamoada maydonga tushmagan
Kvame Prepra "King Faysal" (20 yosh) – terma jamoada maydonga tushmagan
Diavizi Teylor "Karela" (21 yosh) – terma jamoada maydonga tushmagan
GANA PREMER-LIGASI TURNIR JADVALI
“Asente Kotoko” – 3 futbolchi jalb qilingan
"Greyt Olimpiks" – 3
"Drims" – 2
"Medeama" – 2
"Xarts" – 2
“Aduana” – 1
"Bechem Yunayted” – 1
VAFA – 1
“Karela” – 1
"King Faysal" – 1
"Legon" – 1
"Ebusua" – 1
"Vijen" quyi divizion – 1
Eldor Akmurzaev tayyorladi
Bosh sahifaga
292