PFL mavsum kashfiyoti nomini elon qildi. Unga ko'ra, "Dinamo" klubi azosi Anvarjon Hojimirzaev Superligada yil kashfiyoti deb topildi. Hojimirzaev sovrinni qabul qilib olganidan so'ng OAV vakillari bilan muloqot qildi.
- "Eng yaxshi futbolchi" sovriniga ham davogar edingiz. Ushbu nominaciyada ham g'olib bo'lishni kutganmidingiz?
- Imkoniyatlardan kelib chiqib "Eng yaxshi futbolchi" nominaciyasida g'olib bo'lishga ham umid qilgandim. Nasib qilgani shu ekan. Keyingi mavsumda yanada yaxshiroq o'yin namoyish etib, ushbu sovrinni qo'lga kiritishga harakat qilaman.
- "Dinamo"da qolishingizga nima sabab bo'ldi?
- Klub rahbariyati va Vadim Abramov. Ular mendan jamoada qolishimni iltimos qilishdi va men insoniylik nuqtai nazaridan "yo'q" deya javob bera olmasdim. "Dinamo" ko'nglimga yaqin jamoa bo'lib qolgan.
- Sizga moliyaviy jihatdan "Dinamo"dan ko'ra yaxshiroq takliflar bo'lgan, ammo siz Samarqand jamoasida qolishni afzal ko'rdingiz? To'g'rimi?
- Ha. SHahsan men uchun moliyaviy jihat unchalik ham muhim emas. Rohatlanib futbol o'ynash men uchun muhimroq. Ushbu jamoada yorqin o'yin namoyish etyapman va keyingi mavsumda ham shunday tempda davom etishni maqsad qilganman.
Bosh sahifaga
339