PFL ortda qolgan mavsumning eng yaxshi yosh futbolchisi nomini elon qildi. Unga ko'ra, "Surxon" jamoasining 19 yoshli hujumchisi Abdug'afur Haydarov yilning eng yaxshi yosh futbolchisi deb topildi. Haydarov marosimdan so'ng jurnalistlar savollariga javob berdi.
"Mavsum avvalida jarohat olgandim va taxminan bir oy davomida tiklandim. O'rinbosarlar jamoasi safida gollar urganimdan so'ng meni asosiy jamoaga taklif etishdi. Murabbiylar ham ko'p ishonch bildirishdi. Jamoadoshlarim tufayli ushbu sovringa ega chiqdim" - dedi Haydarov.
- Mavsumdagi qaysi bahs siz uchun eng esda qolarlisi bo'ldi?
- "So'g'diyona"ga qarshi o'yinda uchta gol urgandim va shu sababli o'sha bahsni yaxshi eslayman. 0:2 hisobida mag'lub bo'layotgan chog'imizda "kambek" qayd etib, g'alaba qozongandik.
- Yosh futbolchilar mana shunday etirof etilganidan keyin ko'pgina holatlarda "yulduzlik kasali"ga uchrashadi. Sizni tergab turadigan inson bormi?
- Ha. Dadam meni har doim tergab turadi. Har bir o'yindan so'ng bo'shashmasligim kerak ekanligini aytadi.
- Yosh futbolchilarning o'z oldiga qo'ygan maqsadlari katta bo'ladi. Sizda ham shunday maqsad bormi?
- Ha, Evropada to'p tepish. "Real Madrid" safida.
Bosh sahifaga
300