"Nasaf" bosh murabbiyi Ro'ziqul Berdiev esa Superliganing o'tgan mavsumdagi eng yaxshi murabbiyi sifatida etirof etildi. Taqdirlash marosimidan so'ng "ajdarlar" ustozi jurnalistlar savollariga javob berdi.
"Tariximizdagi dastlabki chempionlikni qo'lga kiritdik. Joriy mavsumdagi asosiy maqsadimiz ham shu edi. To'xtab qolishimiz kerak emas. Keyingi mavsumda ham o'z oldimizga katta maqsadlarni qo'yamiz" - deya fikr bildirdi mutaxassis.
- "Nasaf" tarkibini kuchaytirish va yangi futbolchilarni jamoaga jalb etish uchun muzokaralar olib borilmoqdami?
- Albatta. Keyingi mavsumda biz chempionlikni himoya qilishimiz kerak bo'ladi. Xalqaro maydonda ham muhim musobaqa bor. Jamoa o'z o'zagini saqlab qolish va tarkibni kuchaytirish maqsadida ish olib bormoqda.
- O'tgan mavsumda jamoangiz uchun eng qiyin uchrashuv qaysi bo'ldi?
- Aynan bir bahsni ajratib o'tirmayman. Bir davr davomida biz asosiy raqiblarimizni mag'lub eta oldik. SHuningdek, Superkubok finalini ham takidlab o'tishim kerak. Qiyin bahs va penaltilar seriyasida aniqlangan g'olib. Oltin medallar va Superkubokdagi g'alaba joriy mavsumning bezagi bo'ldi.
- Akmal Mozgovoyning kelajagi haqida fikr bildirib o'tsangiz...
- Akmal chempionlik uchun munosib hissa qo'shdi va bugungi sovringa munosib edi.
Bosh sahifaga
133