Marosimda "Nasaf" tayanch yarim himoyachisi Akmal Mozgovoy Superligada mavsumning eng yaxshi futbolchisi etirof etildi. Taqdirlash marosimidan so'ng futbolchi OAV vakillari bilan suhbatlashdi.
"Mavsum biz uchun ajoyib o'tdi. O'z oldimizga qo'ygan asosiy maqsadimizni bajardik. Bu yutuqda barcha jamoadoshlarimning hissasi bor" - dedi Akmal Mozgovoy.
- Eng yaxshi futbolchi bo'lishingizni kutganmidingiz?
- To'g'risi, ha. Umid qilgandim.
- Akmal Mozgovoy keyingi mavsumda ham "Nasaf" safida o'ynaydimi?
- Xudo xohlasa, ha.
- CHempionlikdan keyingi yomon natijalarning sababi nimada?
- CHempionlikni qo'lga kiritish har doim qiyin. Barcha jamoalar "Nasaf"ga qarshi borini berib o'ynashadi. Mavsum biz uchun ajoyib o'tdi. So'nggi bahslarda yomon natijalarga keladigan bo'lsak, vazifani bajarganimizdan so'ng biroz bo'shashdik va xotirjamlikka berildik. Asosiy sabab shu deb o'ylayman.
- O'zbekistondagi barcha sovrinlari yutdingiz. Endi yangi chaqiruvlar sari qadam tashlash va legionerga aylanish vaqti kelmadimi?
-Hozir dam olyapman. Barcha rejalarni va takliflarni yangi yildan so'ng ko'rib chiqamiz. "Nasaf" bilan muhokama qilishimiz kerak bo'lgan mavzular bor.
- "Eng yaxshi gol" va "Eng yaxshi futbolchi" nominaciyalarida g'olib bo'lishga davogar edingiz. Qaysi sovrinni yutsangiz ko'proq xursand bo'lardingiz?
- Ikkala sovrinni ham qo'lga kiritsam ajoyib bo'lardi.
Bosh sahifaga
121
