Turnir jadvalida so'nggi pog'onada borgan jamoa o'tish bahslari orqali Superligadagi o'rnini saqlab qoldi. "Metallurg" hujumchisi Zabihiloo O'rinboev bu borada fikrlari bilan o'rtoqlashdi.
- "Metallurg"ni Superligada olib qolish qanday uddalandi?
- Allohning mehribonligi mo'jiza bo'lishiga sababchi bo'ldi. "Metallurg"ni Superligada olib qolishning uddasidan chiqdik. Menimcha, muhim pallada barchamiz birlasha oldik. Murabbiylar nima istayotganini tushundi. Barchamizda xohish kuchli edi.
- Qorli maydonda o'ynash tajribasi sizda bor. Ob-havo o'z tasirini o'tkazmadimi?
- "Olimpik" bilan o'yindan oldin ochig'i bitta narsadan jahlim chiqdi. Maydonning yarimi tozalangan, yarimi tozalanmagandi. Baribir bu holat futbolning sifatiga, tezligiga tasir qilardi. Bu ikki jamoaga ham to'sqinlik qilardi. Omad bizning tomonda bo'ldi. Vaziyatlarimiz gol bilan yakunlandi.
- Og'ir jarohatdan so'ng qaytish o'zgacha hissiyotlarni bergani tayin...
- O'zim uchun yaxshi tajriba yig'dim. Og'ir jarohatdan so'ng qaytdim. Har tomonlama kirishib olish oson kechmadi. Endi bundan ham ko'proq ishlashim kerak. Birinchi navbatda jamoa Superligada qoldi. "Metallurg"ga mehrimiz boshqacha.
- Klubni tark etganingiz malum. Keyingi mavsum rejalarini o'ylab ko'rdingizmi?
- Jamoani to'laqonli tark etmadim desam ham bo'ladi. Lekin shartnomam tugadi. Klubning keyingi rejalari aniq emas. Hozircha oila davrasida damni olamiz.
Bosh sahifaga
510