Jamoa bosh murabbiyi Anvar Berdiev klubdan ketishi haqida turli xabarlar paydo bo'ldi. Championat.asia sayti "SHo'rtan" bosh direktori SHamil Yarulin bilan bog'lanib, vaziyatga oydinlik kiritdi.
"Anvar Berdiev juda yaxshi murabbiy va juda yaxshi inson. U bilan birga jamoamiz yana Superligaga qayta olganidan xursand bo'ldik. Ayni paytda Berdiev Pro licenziyasiga o'qimoqda va o'z bilimini yanada kuchaytirmoqda. Biroq Superligada "SHo'rtan"ni tajribaliroq murabbiy boshqarishi kerak deb hisobladik.
Anvar Berdiev bilan bu borada gaplashib oldik va uni klubimiz tizimida qoldirishga qaror qildik. Berdiev agar klubda qolsa, murabbiy sifatida yanada o'sardi va bizga ham yordami tekkan bo'lardi.
Hozirga qadar hech qaysi murabbiy bilan kelishuvga erishganimiz yo'q. Bir narsani takidlash kerakki, "SHo'rtan" klubida Superliga grandlaridek katta smeta yo'q. SHu sabab xorijlik murabbiy variantini o'ylamayapmiz ham. Mahalliy, nimanidir isbotlashga harakat qilayotgan murabbiy bo'lsa yaxshi bo'lardi.
Asror Aliqulov? To'g'risi u bilan bu borada gaplashganimiz yo'q. Bundan tashqari Aliqulov "Mashal" bilan Superligaga chiqdi va menimcha Muborakda qolsa kerak", - dedi SHamil Yarulin.
Narzulla Saydullaev suhbatlashdi
Bosh sahifaga
120
