"Barselona" klubi bosh murabbiyi Xans-Diter Flik ikki o'yinlik diskvalifikaciyasi haqida gapirdi. Avvalroq, murabbiyning ushbu qaror bo'yicha bergan arizasi rad etilgandi.
"Men noto'g'ri reakciya ko'rsatdim. Bu aniq. Men hech kim hakamga etiroz bildirmasligini aytgandim. O'zgartirib bo'lmaydigan narsalarga energiyamizni sarflashni istamayman.
Qizil kartochkani qabul qilishim kerak. Bu boshqa liga, menga qizil kartochka ko'rsatishdi. Buni qabul qilaman. O'z hulqim ustida ishlashim kerakka o'xshaydi.
Men hakamlardan shunchaki bir xil mezonlar so'rayapman. Hakamlar hammaga bir xil hushtak chalishlarini istayman, faqat "Barselona"ga emas. Men shu narsani jamoaga tushuntiraman. Hakamning ishini to'g'ri qabul qilib, yaxshiroq o'ynashimiz kerak.
O'tgan mavsumdan farqli o'laroq, hozir hakamlar bilan o'zimizni juda yaxshi tutamiz. Qizil kartochka masalasiga kelsak, meni uni to'g'ri qabul qildim", -deydi Xansi Flik.
Eslatib o'tamiz, "Barselona" bosh murabbiyiga "Betis"ga qarshi o'yinda qizil kartochka ko'rsatilgandi.
Bosh sahifaga
351