Yovan Jokich: "Bu yil "Neftchi" o'z oldiga yuqori maqsadlarni qo'yayotgani uchun ham bu erga keldim"

"O'zbekistonda faoliyat olib borayotganimga olti yildan oshdi. "Neftchi" jamoasiga qarshi uchrashuvlar har doim shiddatli kechgan. Klub haqida gapiradigan bo'lsam, uning shonli tarixga ega ekanligi, 5 karra O'zbekiston chempioni bo'lgani va 2 marta O'zbekiston kubogini qo'lga kiritganini yaxshi bilaman. Bu klub uchun buyuk natija hisoblanadi. Bu yil ham jamoa oldiga yuqori maqsadlar qo'yayotgani ,yuksak natijalarga erishishni ko'zlayotgani uchun ham Farg'onaga keldim. Har bir mavsum murakkab, shiddatli va sinovli bo'ladi. Biz ana shu sinovlardan muvaffaqiyatli o'tishni o'ylashimiz va yuksak marralarni rejalashtirishimiz kerak. SHunda qo'ygan marralarimizga etishishimiz mumkin.

Muxlislar har bir klub uchun muhim tayanchdir. Ular bizni doim qo'llab-quvvatlashi va bizga madad bo'lishlari lozim. SHu bois ularni 12-o'yinchi, deb tariflashadi. Biz yangi mavsumda ularni har bir uchrashuvda ishtirok etishlari va jamoamiz erishgan yutuqlardan bahramand bo'lib quvonishlarini istaymiz", -deydi Yovan Jokich.