Kuni kecha futbolchi yangi klubi ixtiyoriga borib qo'shildi. Ko'pchilikda Mirzaev "Leganes B"ga o'tdimi degan savollar paydo bo'lmoqda. Biz futbolchining huquqini himoya qiluvchi "Football Group" agentligiga shu savol bilan yuzlandik.
"Lazizbek Mirzaev Ispaniyaning "Leganes" klubi bilan shartnoma tuzgan. SHartnomada "Leganes B" "Leganes S" degan narsalar yo'q, futbolchi "Leganes" klubiga tegishli. 18 yoshli futbolchi dastlabki oylarni "Leganes"ning U-19 jamoasi tarkibida o'tkazadi. Bu yosh futolchilarnng klubga moslashish uchun juda ham zarur. Mirzaev 18 yoshida darhol La ligada o'ynab ketmasligini ko'pchilik yaxshi tushunib turibdi. Klub murabbiylari jamoaga kelgan braziliyalik yoki argentinalik futbolchilarni ham dastlab yoshlar jamoalarida maydonga tushirishadi, shundan keyin asosiy jamoaga qo'shishadi.
"Leganes B" Ispaniya to'rtinchi ligasida ishtirok etadi va bu jamoa saviyasi "Leganes" U-19'dan pastroq. Sababi U-19 jamoasi "Real", "Barselona" va "Atletiko" kabi klublarning U-19 jamoalariga qarshi o'ynaydi. Yani saviya 4-ligadan ancha baland. Bundan tashqari Mirzaev O'zbekiston U-20 terma jamoasi safida Osiyo kubogida ishtirok etishi kerak. SHu sabab ham futbolchi har hafta to'laqonli o'yin amaliyotiga ega bo'lishi juda ham zarur", - deb javob berdi "Football Group" agentligi xodimi.
Bosh sahifaga
522