Joriy yilning boshida Braziliyaning janubiy qismidagi suv toshqinlaridp Porto Alegre shahri futbolchilari eng yaxshi insoniy fazilatlarini namoyon etdi.
"Internacional" jamoasi azosi Tiago Mayya shahar aholisiga yordam berish uchun ko'chaga chiqqan futbolchilardan biri edi va uning say-harakatlari FIFA tomonidan Fair Play mukofoti bilan taqdirlandi.
2016 yilda Braziliya terma jamoasi bilan Olimpiya o'yinlari oltin medalini qo'lga kiritgan yarim himoyachi suv bosgan binodan keksa ayolni orqasiga opichlab olib chiqib ketayotgan video ijtimoiy tarmoqda tarqalib, ko'pchilikning hayrat va tahsiniga sazovor bo'ldi.
Natijada u FIFA tomonidan mukofotga loyiq ko'rildi. Mazkur sovrin futbolchi, murabbiy, jamoa, hakam, muxlis yoki muxlislar guruhiga maydon ichida yoki tashqarisidagi namunaviy va adolatli xatti-harakatlari uchun beriladigan sharafli unvon hisoblanadi.
"Men o'zimni qahramon deb hisoblamayman. Ota-onam menga doimo, vaziyat qanday bo'lishidan qati nazar, qo'shnilarimni sevishni o'rgatishgan. Bir kuni uyda uyg'onib, "Men uyda o'tirolmayman, odamlarga mening yordamim kerak," degan qarorga keldim. Hatto Evayr xonim uchrashganimizda meni o'zining qahramoni deb ataydi. Men unga, "Yo'q, Evayr xonim, mening o'rnimda bo'lganingizda, siz ham men uchun xuddi shunday qilgan bo'lardingiz," deyman. Suv toshqinidan so'ng futbolni tashlamoqchi bo'ldim. Bu voqea menga ruhiy jihatdan juda katta tasir ko'rsatdi. Lekin zarurat tug'ilsa, bu ishni yana takrorlagan bo'lardim."
Bosh sahifaga
192