"11-dekabr kuni OAV bilan bo'lib o'tgan muloqot davomida Liga stadionlar masalasiga alohida urg'u bergan bo'lib, Jizzaxdagii "So'g'diyona" va Namangandagi "Markaziy" stadionida ayrim muammolar borligiga to'xtalgandi.
Namangandagi stadion maydoni 2018 yil Liga talab qilgan ko'rinishga keltirilgan, Jizzaxdagi maydon esa 2023 yilgi mavsumda bunga erishdi. Biroq hozirga kelib maydon parvarishi masalasida Ligada xavotirlar mavjud. Superliganing so'nggi mavsumi oxiriga kelib har ikki stadion futbol maydonlarida toliqishlar mavjud ekanligini barcha ko'rdi.
Mazkur oyda Liga rahbariyati Namangan viloyati hokimi bilan uchrashuv o'tkazgan bo'lib, unda Markaziy stadion holatini yaxshilash masalasida so'z borgan. SHuningdek, "So'g'diyona" klubi rahbariyati bilan ham yaqinda uchrashuv tashkil etildi. Har ikki maydon parvarishiga jiddiy etibor qaratish, bu masalaga etarlicha mablag' ajratish masalalari muhokama qilindi. Har ikki tomon muammoga to'g'ri yondoshsa, "Markaziy" va "So'g'diyona" yana avvalgi holatiga qaytishiga shubha yo'q. Ishonamizki, "Navbahor" va "So'g'diyona" bunga echim topa oladi.
SHundan kelib chiqib, Liga har ikki stadionni shartli ravishda ro'yxatdan o'tkazmoqda. Tashkilot hamkorlik qilayotgan mutaxassislar mahalliy agronomlar bilan ko'ngilli sifatida hamkorlik qilish va maydonlar parvarishi masalasida barcha maslahatlarni berib borishga tayyor", -deyiladi O'zPFL bayonotida.
Bosh sahifaga
629