O'tkir Yusupov 1991 yil 4 yanvarda Qozog'istonning CHimkent shahrida tug'ilgan. 5 yoshida oilasi Toshkentga ko'chib kelgan. 2017 yilga kelibgina O'zbekiston fuqaroligini olishga muvaffaq bo'lgan.
Uning birinchi ustozi Otabek Nabiev hisoblanadi.
Uning dastlabki jamoasi "Paxtakor" hisoblanadi, u "sherlar"ning yoshlar jamoasida ikkinchi ligada to'p tepgan.
O'tkir Yusupov Birinchi ligada "SHayxontoxur", "Do'rmon-Sport" kabi klublarda faoliyat olib borgan.
Xorijlik darvozabonlardan Oliver Kan, Edvin van der Sar, Petr CHex, Iker Kasilyas va Janluiji Buffon o'yinlariga ishtiyoqi baland.
2016 yil O'zbekiston chempionatida ikkita penaltini qaytargan holda bu ko'rsatkich bo'yicha eng yaxshilar qatoriga kirgan.
O'tkir Yusupovning "Nasaf"ni tark etishiga legionerlar limiti sabab bo'lgan.
O'tkir Yusupovga O'zbekiston yuqori ligasidagi ilk golni Igor Taran penaltidan urgan.
O'tkir Yusupov Eron chempionatida Aleksandr Lobanovdan so'ng to'p tepgan ikkinchi o'zbekistonlik darvozabon hisoblanadi. Qizig'i, ikkala darvozabon ham tavallud ayyomini 4 yanvarda nishonlaydi.
O'tkir Yusupov 2018 yilgi Superligada barcha o'yinlarda to'liq o'ynagan yagona futbolchi bo'lgan.
O'tkir Yusupov Championat.asia sayti o'quvchilari talqiniga ko'ra O'zbekistonda 2019 va 2022 yilning eng yaxshi darvozaboni deb topilgan.
O'tkir Yusupov qatorasiga uch mavsum "Navbahor" tarkibidagi eng yaxshi o'yinchi bo'ldi.
O'tkir Yusupov hayotda jiddiy inson bo'lishiga qaramay, futbol olamida janjallari bilan yodda qolgan. "Qo'qon-1912" jamoasi safida "Lokomotiv" legioneri Nivaldo, "Navbahor" tarkibida esa "Paxtakor" fan klubi etakchisi bilan kelishmovchilikka borgan.
Coca Cola Superligasining 2022 yil ramziy jamoasiga kiritilgan.
"Fulad" O'tkir Yusupovni jamoaga olib kelish uchun "Navbahor"ga 300 ming dollar to'lagan.
Erondagi ilk mavsumida mamlakat chempionatining dastlabki 2 ta turida faqatgina Yusupov o'z darvozasidan gol o'tkazib yubormadi.
"Fulad" klubida faoliyat olib borayotgan O'zbekiston terma jamoasi darvozaboni O'tkir Yusupov Eronga qarshi o'yin oldidan terma jamoaning muhim yig'inlaridan biriga qo'shilish uchun Toshkentga Anqara shahridan uchib keldi. Anqaraga esa Eron chegarasi orqali 2400 kilometr masofani mashinada bosib etib bordi. Bunga sabab aviaqatnovlarning yo'qligi bo'ldi.
Forslarga qarshi JCH saralash o'yinidan so'ng uni ajoyib o'yini uchun etirof etgan Eronnning "Fulad" klubi matbuot kotibi ishdan bo'shatilgan.
2024 yil O'zbekistonning eng yaxshi futbolchi bo'lishga davogarlar qatoridan o'rin egalladi.
O'tkir Yusupov jahon chempionati saralashi doirasida KXDRga qarshi har ikkala o'yindan penaltini qaytarib, jamoasiga muhim g'alabalar taqdim etishga ulkan hissa qo'shgan.
Bosh sahifaga
177