"O'zbekistondan taklif bo'lgach, o'zimni yangi o'lkada sinab ko'rishni xohladim. Ha, men yangi sarguzasht, yangi sinovlarni istayman. Hammasi men bilan ishlaydigan agentdan boshlandi. U mendan u erga borishni istaysanmi, deb so'radi.
Bu mamlakat haqida hech narsa bilmasdim, yakuniy qarorni qabul qilishim qiyin bo'lgan bo'lsa-da, yangi sarguzashtlarni boshdan kechirishga tayyor edim.
Kelishuvga ko'ra, menga yaxshi haq to'lashadi. Albatta, pul yaxshi narsa. Lekin men pul uchun bunday tanlov qilmadim. Balki futbolga bo'lgan mehrim va undan zavqlanish uchun shunday qarorga keldim. Oldin ham pulni zavqlanishdan ustun qo'yish imkoniyati bo'lgan, ammo o'shanda ham "Sandviken" jamoasini tanlaganman. Bu gal esa futbolchilik faoliyatim poyoniga etmasdan yangi sarguzashtlarni xohladim.
Yoshimni inobatga olsak, bunday taklif boshqa bo'lmasdi. Men birini tanlashim kerak edi: yo hozir, yo hech qachon", dedi 32 yoshli hujumchi.
Eslatib o'tamiz, Jizzax klubi Igbaruma bilan bir yillik shartnoma imzoladi. Futbolchi 2024 yilgi mavsumda "Sandviken" jamoasi safida 28 uchrashuvda maydonga tushib, 8 ta gol urgan.
Bosh sahifaga
283