O'yindan so'ng jamoaning etakchilaridan biri Feruz Faxriddinov saytimizga fikrlarini bildirib o'tdi.
"Yigitlar raqibni mag'lubiyatga uchratishni uddalashdi. Buning uchun jamoadoshlarimga rahmat aytaman. Uchrashuvda hisobda ortda borayotgan edik. Tanaffusda kiyinish xonasida bir oila bo'lib ikkinchi bo'limni qanday hisob qayd etilishidan qatiy nazar munosib yakunlab qo'yish, oxirigacha kurashishimiz haqida gaplashib oldik. Amalda buni isbotlay oldik. Barcha o'yinchilar bor kuchlari bilan maksimal darajada harakat qilishdi. Ushbu uchrashuvda bizni faqat g'alaba qoniqtirar edi. Durang haqida o'ylashimiz mumkin emasdi. G'alaba qozonishimizga butun jamoa oxirigacha ishondi.
Bundan buyon endi oson o'yinlar bo'lmaydi. Har bir tur biz uchun finaldek kechadi. CHempionlikni qo'lga kiritish o'z qo'limizda",- deydi Faxriddinov.
Abdulaziz Iskandarov yozib oldi
Bosh sahifaga
260
28 Avgust 2025, 13:04