Uchrashuvdan keyin Ispaniya 4-divizionida harakat qiluvchi raqib jamoaning har bir futbolchisiga "Real" o'yinchilarining liboslari etkazib berilishi kerak edi.
Madrid klubi elektron manziliga yuborilgan xat bo'yicha nechta futbolka berilishi borasida ro'yxat tuzilgan. Raqibning barcha futbolchilari o'zlari xohlagan "Real" o'yinchisining raqami va familiyasi tushirilgan liboslarni olishi kerak bo'lgan. Bu o'yin tugashi bilan maydonni o'zida libos almashishdan tashqari. Xabarda keltirilishicha, Mbappe familiyasi tushirilgan liboslar bir nechta bo'lgan.
"Cadena SER"ning xabar berishicha, "Deportiva Minera"ning kiyinish xonasida o'yinchilarni ichida "Real" liboslari bo'lgan quti kutib olgan. Lekin, u futbolkalarni faqatgina o'z vaqtida kiyinish xonasiga qaytgan futbolchilargina olishgan. Keyinroq qolgan liboslar qaergadir yo'qolib qolgan.
Aytilishicha, kamida 4 nafar futbolchi "qaymoqranglilar" libosisiz qolgan, yana 4 nafari umuman "Real" libosisiz qolmaslik uchun o'zlari oldindan buyurtma qilmagan o'yinchilarning kiyimlarini olishga majbur bo'lishgan.
Bu voqelik klub ichida norozilikka sabab bo'ldi. "Deportiva Minera"dagilarning tushuntirishicha, "Real" liboslarini o'g'irlagan odamlarda faqat klub vakillarigina kirishi mumkin bo'lgan binolarga kirish imkoniyati bo'lgan.
Bosh sahifaga
139