Futbolchiga Kipr chempionatining eng yaxshi jamoalaridan biri "Aris Limasol" qiziqish bildirmoqda. Ayni damda ushbu jamoa mamlakat chempionatida ikkinchi o'rinni egallab turibdi va chempionlik uchun kurashmoqda. SHuningdek, "Aris" kelasi mavsumda Evrokuboklarda ishtirok etishi deyarli aniq bo'lib ulgurgan.
"Aris"ni hozirda belarussiyalik mutaxassis Aleksey SHpilevskiy boshqarmoqda, jamoa sardori sifatida Rossiya termasining sobiq futbolchisi Aleksandr Kokorin harakat qiladi.
Kipr klubi futbolchiga "Nasaf"dagidan ko'ra kamroq maosh taklif qilgan. Hozircha Akmalning o'zi yakuniy qarorga kelmagan.
O'tgan mavsumda Mozgovoy "Nasaf" tarkibida barcha turnirlarda 33 o'yinda qatnashib, 6 gol va 1 assist qayd etdi. Mavsum yakunlariga ko'ra, O'zPFL tomonidan Superliganing eng yaxshi futbolchisi deb topildi.
"Transfermarkt" portali futbolchini 1,3 mln evroga baholagan.
Bosh sahifaga
186