So'nggi bor 2009-2010 yilgi mavsumda Superliga havosidan bahramand bo'lgan xorazmliklar oradan 14 yil o'tib yana elitada o'zlarini sinab ko'rishlari mumkin. Albatta barchasi ular uchun ijobiy yakun topsa. Aslida "Xorazm" 1996 yildan 2000 yilgacha muntazam Superligada ishtirok etgan. Aynan 2000 yilgi mavsumdan so'ng mamlakat futbolida orada katta tanaffus yuzaga keldi. 5 yildan so'ng 2006 yilgi mavsumga kelibgina jamoa yuqori ligaga qaytdi va o'sha yili yana quyiga tushib ketdi. Endi esa muxlislar suyuklilarini 2009 yilga kelibgina Superligada ko'rishdi.
2009 yilgi mavsumda Urganchga yulduzli tarkibga ega, safida Rivaldo, Soliev, Ashurmatov, Gochkuliev kabi nomlar bo'lgan "Bunyodkor" tashrif buyurgan. Superliga (Oliy Liga) 6-turida jamoalar o'zaro to'qnash kelgan bo'lib stadionga tashrif buyurgan muxlislarning sanog'i yo'q edi. Mazkur uchrashuvda birinchi bo'lib maydon egalari hisobni ochgan, Ro'zimboy Ahmedov 31-daqiqada Pavel Bugalo darvozasiga yo'l topgan.
45-daqiqada Gochkuli Gochkuliev hisobni tenglashtiradi va jamoalar tanaffusga durang natijasi bilan yo'l oladi. Ikkinchi bo'limda esa tajriba o'z so'zini aytmay qolmagan, Rivaldo "Bunyodkor"ga g'alaba keltirgan golga mualliflik qilgan (1:2). SHu kuni stadionga 21 275 nafar tomoshabin tashrif buyurganining o'zi o'yinga bo'lgan qiziqishni aytib turibdi.
VIDEO
2009 yil yakunlariga ko'ra "Xorazm" 16 ta jamoa orasida 10-o'rinni egallab Superligada o'rnini saqlab qolgan. Klub 30 ta o'yinda 9 g'alaba, 11 durang, 10 mag'lubiyat qayd etgan. Bir yil avval quyi ligada jamoasi 22 ta gol bilan to'purar bo'lgan Ro'zimboy Ahmedov Superligada Vladimir Baranov bilan birga 5 ta gol bilan eng yaxshisi sifatida qayd etilgan. Keyinchalik Ro'zimboy Ahmedov "Paxtakor"ga yo'l olgandi. Bu mavsumda jamoa sharafini himoya qilgan futbolchilar ro'yxati bilan tanishing.
Darvozabonlar: G'ayrat Hasanov, Erkin Jabborov, G'ayrat O'daev, Mansur Qurbonov
Himoyachilar: Faxriddin Xolmurodov, Jasur Hamraev, Masud Toirov, Aleksandr Ejov, Mirjalol Qurbonov, Afzal Azizov, SHerzod SHaripov
Yarim himoyachilar: Azamat Bobojonov, Rustam Qurbonboev, SHerzod Raimjonov, Ilyos Xayrov, Murodboy Abdumuratov, Maks Kuranbaev, Ravshan Otaniyozov, Inomjon Otaboev, Timur Vasilev, Abdumajid Toirov
Hujumchilar: Muxtor Qurbonov, Ro'zimboy Ahmedov, Umid Isoqov, Zafar Xolmurodov, Vladimir Baranov, Everton (Braziliya), Sarvar Ibodullaev
2010 yilgi mavsumni esa "Xorazm" juda muvaffaqiyatsiz o'tkazgan. Yil davomida faqat 2 ta o'yindagina 3 ochko qo'lga kiritishni uddalagan bo'lsa ("Qizilqum" 3:1, "Neftchi" 2:1), 7 ta o'yinda bir ochko ishlagan, 17 ta bahsda mag'lubiyatga uchragan. 14 ta jamoa qatnashgan Superliganing oxirgi jamoasi bo'lib yana Pro liga (Birinchi liga) tomon ravona bo'lgan. Bu mavsumda Zafar Polvonov 9 ta gol bilan jamoasi to'purariga aylangan.
Darvozabonlar: G'ayrat Hasanov, Erkin Jabborov, G'ayrat O'daev, Valentin Poltavec (Ukraina)
Himoyachilar: Javodullo Ibragimov, Maruf Po'latov, Azamat Isaev, Baxtiyor Ashurmatov, Mixail Mahviladze (Gruziya), Mirjalol Qurbonov, Rustam Azamov, Ibrohimjon Rahimov, Obid Jo'raboev, Davronjon Fayziev, Yarim himoyachilar: Rustam Azamov, Rustam Qurbonboev, Ilyos Xayrov, Bekzod Otaniyozov, Murodboy Abdumuratov, Omon Abdug'aniev, Ali Yo'ldoshev, Rustam Hakimov, Xurmat Romanov, Aziz Rahmanov, Marks Kuranbaev, Ikromjon Ibragimov, Umid Yakubov, Renat Bayramov
Hujumchilar: Levan Mdinishvili (Gruziya), Azizxon Ibragimov, Govanchmuhammad Ovekov, Zafar Polvonov, Ro'zimboy Ahmedov, Zafar Xolmurodov, To'lqin Mirzaev, Anvar Abduqodirov, Everton (Braziliya), Sarvar Ibodullaev
Suratlar uchun taniqli fotograf Hasan Pirmuhammedovga minnatdorchilik bildiramiz.
Bosh sahifaga
349