Maqsadi ulug', mediasi quruq

Qo'shiqning fonogrammasi yaxshimi yoki jonlisi?!

Oradan yillar o'tsa ham muammo hamon aktual bo'lib qolmoqda.

Bunyodkor klubi o'tgan yil Superligada qolish uchun katta pul sarfladi. Yangi mavsum uchun ham yaxshigina transferlarga qo'l urmoqda. Klub bo'lajak mavsumda mavqeini tiklash uchun yaxshigina sarmoya kiritmoqda.

Lekin, o'tgan yili ham, bu yil ham Bunyodkordek katta klubning matbuot xizmati nochor ahvolda. Masalan, klubda fotograf ham, fotoapparat ham yo'q. O'zim foto bilan ham ishlaganim uchun menga bu jabhadagi muammo yaqqolroq ko'rinadi. Qanday qilib bunday klubda na fotograf, na fotoapparat bo'lmasligi mumkin?

Klubning har qadamini yoritib boradigan matbuot kotibi har safar boshqa fotograflardan iltimos qilib rasm so'raydi. Bunyodkor matbuot xizmatidagilar boshqa fotograflardan iltimos qilib rasm so'rab yurishi klub uchun juda uyatli holat. Idealda istalgan klub bunday holatni isnod deb qabul qilishi lozim.

Baraka topgurlar, byudjetdan ozgina mablag'ni matbuot xizmatini rivojlantirishga ham sarflanglar. Bu faqat Bunyodkorga emas, hamma klublarimizga tegishli.

Matbuot xizmatida etarlicha xodimlari yo'q klublarimiz ko'p, bazilarida xodim bo'lsa ham etarli texnika olib berilmagan. Matbuot xizmatidagilar ham odammi degan shiorga amal qilishni to'xtatmasak bu hol o'nglanmaydi.