Tunda "Tottenxem" APL 21-turi doirasidagi bahsda hisobni ochganiga qaramay, yakunda mag'lubiyatga uchradi (1:2).
"Biz unchalik yaxshi o'yin ko'rsatmadik, ayniqsa, birinchi bo'limda. Juda passiv harakat qildik. "Arsenal"ga o'yin tizginini o'z qo'lida ushlab turish imkonini berib qo'ydik. Ikkinchi bo'lim nisbatan yaxshiroq bo'ldi, ammo u ham u qadar zo'r emas. Bu normal holat emas.
Nima bo'lsa ham javobgarlik mening bo'ynimda, sababi o'yinga futbolchilarni men tayyorlaganman. Biroq hozir meni ko'proq, biz ko'rsatgan o'yin tashvishga solmoqda. Mashg'ulotlarga qaytamiz va keyingi bahsga tayyorgarlik ko'ramiz.
Albatta, [mag'lubiyat] jamoaga tasir ko'rsatmay qolmaydi. Joriy mavsum juda ko'p uchrashuvlarda ustunlikni qo'ldan chiqardik, ko'p durang o'ynadik. Buni to'xtatish kerak.
Agar hozir taslim bo'lsak, unda shuncha mehnatimizdan mano bo'lmaydi. Dam olish kunlari bizni "Everton"ga qarshi muhim bahs kutib turibdi. Bu bizning maqsad", – dedi "Tottenxem" ustozi "TNT Sports"ga intervyu chog'ida.
Bosh sahifaga
372