"SHunqorlar" yaqinda mudofaa chizig'idagi muammolarni bartaraf etish maqsadida Jasurbek Yoqubovni taklif qildi va tomonlar rasman shartnoma imzoladi. Biz esa uning yangi jamoasidagi fikrlarini tingladik.
"Jamoadagilar menga begona emas. Bahrom Haydarov, Rustam Aripov bilan birga "Surxon"da ishlaganmiz. Ularning taklifini o'ylab o'tirmadim. Sababi Qo'qon o'zimni uyim. Bir necha yil oldin to'p tepib ketganman. O'shandan keyin "Paxtakor", "Bunyodkor", "So'g'diyona" kabi jamoalarda o'ynadim. O'ylaymanki, hammasi yaxshi kechdi. Faqat o'tgan yili ikkinchi davrada jarohat oldim. Hozirda jamoa bilan mashg'ulotlarni boshladim. SHu biroz qiyinchilik tug'dirdi. Nasib qilgan ekan yana Qo'qondaman.
Jamoamiz Superligaga qaytdi. Lekin bu degani jon saqlash uchun kurashadi degani emas. Maqsadimiz faqat oldinga intilish. Yuqori va munosib o'rinlarga harakat qilamiz. Jamoa yomon emas, ahil oila yig'ilgan. Mavsum startigacha bir-birimizni tushunib olamiz. Hozir asosan jismoniy yuklama olyapmiz. Har tomonlama tayyor bo'lamiz",- deydi Jasurbek Yoqubov.
Bosh sahifaga
252