Aziz do'stlar,
Yuragimda alohida o'rin tutgan va Evropadagi ilk katta sarguzashtim bo'lgan "Lans" jamoasi bilan xayrlashish vaqti keldi.
Franciya va Lans shahriga samimiy qabul uchun katta rahmat! Franciya menga eshiklarini ochdi, francuzlar menga mehribon edi. Buning uchun sizlarga rahmat. Franciya – imkoniyatlar mamlakati, menga francuz madaniyati, francuz tili va albatta francuz futboli juda yoqdi.
O'tgan bir yarim yil davomida meni qo'llab-quvvatlagan barchaga chuqur minnatdorlik bildiraman. Uill Still boshchiligidagi hozirgi va Frenk Ez boshchiligidagi oldingi murabbiylar shtabiga ishonch va rivojlanishimdagi hissalari uchun katta rahmat.
Jamoadoshlarimga tashakkur. Birinchi kundanoq mehr bilan qarshi olib, moslashishga yordam berdingiz. Sizlar tufayli maydonda ham, maydon tashqarisida ham o'zimni uydagidek his qildim.
Stadion va mashg'ulot bazasidagi xodimlarga, ishchilarga ham rahmat. Va, albatta, "Lans"ning ajoyib muxlislariga katta rahmat. Siz jamoangiz uchun hamma narsaga tayyor bo'lgan haqiqiy armiyasiz. Bizni olg'a etakladingiz, so'nggi nafasimizgacha tinmay qo'llab-quvvatladingiz.
Faoliyatimda meni yangi sinov kutib turibdi, lekin bu erda boshdan kechirganlarimni hech qachon unutmayman. "Lans" doimo yuragimda qoladi va mening bir qismim hamisha "Sang et Or" ("qon-oltin" – "Lans"ning laqabi – tahr.) bo'lib qoladi.
"Lans"ning bir bo'lagi bo'lganimdan faxrlanaman
Bosh sahifaga
60
