Darvozabon yangi mavsumni "Navbahor"da boshlaydi. Unga jamoa almashtirishi sababi va boshqa qiziqarli savollar bilan yuzlandik.
- Birorta o'yin o'tkazmasdan "Lokomotiv"dan ketishingiz qiziq bo'ldi. Aslida klub bilan kelishuv qanday edi va erta tark etishingizga qaysi omillar tasir qildi?
- "Lokomotiv" bilan dekabr oyida kelishuvga erishgandim. Hammasi yaxshi edi. Lekin yakunda ko'proq o'yin amaliyotiga ega bo'lish uchun jamoadan ketishga qaror qildim. Klub rahbariyatiga meni to'g'ri tushungani uchun rahmat aytmoqchiman.
- Bunga "temiryo'lchilar"ning Superligada emas Pro ligada o'ynashi ham sabab bo'ldimi?
- Qiyin savol berdingiz. Yuqorida aytganimdek bu erda asosiy masala o'yin amaliyoti.
- "Navbahor"ga o'tishingiz ko'p kuttirmadi. Bu darajada tez yuz berishini kutganmidingiz?
- Jamoadan ketganimdan so'ng "Navbahor" rahbarlari aloqaga chiqdi. Uzoq o'ylab o'tirmay kelishuvga erishdik. Barchasi tezda kechdi.
- Qishki transferlar oynasida "Surxon", "Dinamo" ham qiziqish bildirgandi. Qaysi jamoada o'ynab ketishingizga ishonchingiz yuqori edi?
- Mish-mishlar doim bo'lgan. Lekin bu ikki jamoani olsak "Surxon"ni tanlardim.
- Faoliyatingizdagi jamoalarga nazar solsak "Navbahor" ulardan ancha farq qiladi...
- Albatta, "Navbahor" O'zbekiston grandi hisoblanadi. Bu jamoaga qo'shilganimdan xursandman. O'z o'yinim bilan yordam bermoqchiman.
- Qisqacha savollarga o'tamiz. 2019 yil "Paxtakor-79" filmida suratga tushgansiz...
- Kameraga qarab rol o'ynash juda qiyin. Bu erda ham hamma kasbdagi kabi professional bo'lish kerak ekan.
- SHukron Yo'ldoshev qaysi avtomobilni yaxshi ko'radi?
- "Lamborjini Urus".
- Darvozabonlardan kimlarni ko'proq kuzatasiz?
- Ederson, Kurtua, Zommer.
- Bir yilda nechta qo'lqop almashtirasiz?
- Taxminan 15-20 tadan ko'p.
- Butsa borasidachi?
- 4 ta butsa etsa kerak bir yilga.
- 10 yildan so'ng...
- Xudo xohlasa A Seriyada bo'lishni istayman.
Bosh sahifaga
198
