Terma jamoa ustozi Farhod Nishonov o'tkazilgan o'rtoqlik uchrashuvlari va tayyorgarlik jarayonlari bilan o'rtoqlashdi.
"Qatardagi birinchi yig'inimizda futbolchilarning umumiy jismoniy holati ustida ish olib borildi. Ikkinchi yig'inimizda futbolchilarning imkoniyatlarini ko'rib olyapmiz. CHempionatimiz tugagani sababli ularni o'yin tempiga moslashtirib borish uchun o'rtoqlik uchrashuvlari o'tkazmoqdamiz. O'rtoqlik uchrashuvlaridagi maqsadimiz natija emas. Hozir natijaga erishamiz deb xatoga yo'l qo'yishimiz mumkin. Xitoydagi musobaqaga futbolchilarni optimal holatda olib borishimiz kerak. Kecha mag'lubiyatga uchradik, Suriya bilan durang o'ynadik. Muxlislar mag'lubiyatdan xafa bo'lishgani tabiiy holat va buni to'g'ri qabul qilamiz. Biz Xitoyda eng yaxshi o'yinimiz va natijamizni ko'rsatishimiz kerak.
Yakuniy tarkib aniq. Xitoy bilan oxirgi o'rtoqlik uchrashuvimizdan so'ng asosiy tarkibni aniqlaymiz. Raqiblarimiz jiddiy. SHunday darajaga chiqdikki, ular bizni jiddiy o'rganishmoqda. Biz ham ularni o'rganmoqdamiz. Deylik, Yaman bilan bitta mehmonxonada yashayapmiz. Ularning imkoniyatlarini ko'ryapmiz. Maqsadimiz Jahon chempionatiga chiqish va biz bor imkoniyatimizdan foydalanamiz",- deydi Farhod Nishonov.
Bosh sahifaga
276