Eshitdik-da! Husayn Norchaev Portugaliya klubiga o'tishga yaqin

Championat.asia sayti malumotiga ko'ra, hujumchi bugun shoshilinch ravishda O'zbekiston milliy terma jamoasi qarorgohini tark etib, Toshkentga jo'nab ketdi. Futbolchi vizani rasmiylashtirishi va tez fursatda Portugaliyaga borib "Braga" klubida tibbiy ko'rikdan o'tishi kerak. Portugaliyada qishki transfer oynasi 3 fevral kuni yopiladi. SHu bois futbolchi tezda Qatardan qaytib ketishga majbur bo'ldi.

Malumot uchun, "Braga" klubi 1921 yil tashkil topgan. Uy o'yinlarini 30 ming tomoshabinga mo'ljallangan "Braga" stadionida o'tkazadi. Ayni paytda jamoani Karlos Karvaxal boshqarib bormoqda. "Braga" Portugaliya chempionatida 19 ta o'yindan 37 ochko to'plab, musobaqa jadvalida 4-o'rinda bormoqda. "Braga" oxirgi yillarda evrokuboklarning doimiy ishtirokchisi hisoblanadi.

O'zbekistonlik jonkuyar futbol muxlislaridan bir narsani iltimos qilgan bo'lardik. "Braga" klubining ijtimoiy tarmoqlarida Norchaev va O'zbekiston bo'yicha o'rinli fikrlar yozinglar.