Gap hujumchi Hamidullo Abduhamidov haqida ketmoqda. Futbolchi yangi mavsum oldidan jarohatdan so'ng futbolga qaytishi va rejalari haqida fikrlarini bildirdi.
- 2024 yilni Pro liganing "Do'stlik" jamoasida o'tkazdim. Ikki yillik tanaffus va jarohatlardan so'ng yana futbolga qaytganimga xudoga shukur qilaman. Jarrohlik amaliyotidan so'ng tushkunlikka tushib qoldim va futbol bilan xayrlashish fikri uyg'ondi. Lekin ota-onam, yaqinlarimning dalda berib turgani uchun yana maydonga qaytdim. O'tgan mavsum men uchun kutilganidan yaxshi o'tdi deya olaman
- Yoshligimdan futbol bilan shug'ullanganman. Qaytishni so'z bilan tariflab bera olmayman. "Do'stlik" jarohatdan qaytganimga qaramay qabul qildi va o'yin amaliyoti berdi. CHempionat davomida bir nechta gollarda ishtirok etdim. Jamoaga yordam berishga harakat qildim. Afsuski, tarkibimiz yangi va yosh futbolchilardan tashkil topgani sababli tajriba etishmadi.
- Rejalarim yaxshi jamoada to'p tepish va sport formamni yuqori darajaga olib chiqish. Ayni paytda bir nechta jamoalardan takliflar bor. Ular orasida xorij jamoalari variantlari yo'q emas.
Bosh sahifaga
288
